深圳機場飛上海初體驗 附深圳灣口岸Call車注意事項⚠️

高德Call 車深圳灣口岸來往深圳寶安機場3️⃣大注意事項/貼士‼️ 出發：2023年12月23日 回程：2023年12月26日 人數：3個女仔 行李：2個28吋大喼、1個26吋中喼 一向返大陸玩都用開高德Call車，操作容易，基本上開個定位，填上目的地就可以call。 1️⃣留意車型 首先要確保司機車尾箱無雜物，只要車型係SUV 就可以坐得晒，2人+1行李在後座，1人坐司機副座。 SUV 相對普通私家車空間較大 ，適合2-3人坐。如超過3人就要Call 6座商務車，費用就貴啲。 ⚠️建議打畀司機問車型，無內地電話，亦可以用app內短信位置交流。 2️⃣拎到喼出左關再Call 車 適逢大節日，早上8點半左右過關撞上超多「旅行團的團友」過關，拎行李箱一定要過機檢查，人多擠迫，用左近15-20分鐘先出關。因此，建議出關後再Call 車都未遲，而且呢啲Call車等候位置位於的士站對開，從關口走過去都數分鐘。基本上即叫車就即接單，9點左右就上到車。 回程當晚晚上9點左右落機，太約等左10分鐘左右拎到喼，建議拎到喼再叫車。司機通常在附近接到單再駛入網約車區域，接客後即走。 3️⃣清楚提供網約車區及柱子號碼 深圳寶安機場Call 車有指定上車點分為網約車A區（室外） 同 B區 （1/F) 。 想更快上車，請向司機提供該區就近的柱子號碼（A區一定有，當日在A區上車），有助司機更快找到你的位置。 💰費用+車程參考： Call車時就自己留意個價錢，可以set 預算內的價格，的士（計程車）就通常按跳錶計費，萬一無車/多人call 司機就會加價，唔ok 就等🥹 去程： 深圳灣口岸去深圳寶安機場 費用：約 61人仔左右 車程：約35分鐘 回程：深圳寶安機場去深圳灣口岸 費用： 約 60 人仔左右 車程：約49分鐘（計埋深圳灣口岸附近的塞車位） 以上純個人經驗分享，歡迎留言問更多呀👋 預告‼️下一篇分享更多深圳機場平機票攻略！follow 埋就唔會錯過我的最新分享～ #深圳#深圳攻略#深圳機場#深圳灣口岸#攻略