🍣大滿足靚景日式半放題brunch

今日friend子帶我去食好西叫我留定肚,原來係食日式半放題brunch🍱一上去好開揚個影又靚,坐得有舒服😌估唔到半放題食物質素都無hea✨刺身、磯煮鮑魚、天婦羅同埋主菜係每人一份,前菜、爐端燒同埋卷物就可以任叫🍢不過基本上食一轉已經好飽🤣 任叫放題 🥗前菜 炙燒A4宮崎和牛、香辣三文魚他他、泡菜八爪魚沙律、鰻魚蛋卷。我最鍾意食香辣三文魚他他入面有脆炸有咬口。 🍙卷物 墨西哥卷超特別入面係有墨西哥辣椒,啲辣味係慢慢滲出嚟。A4宮崎和牛舞茸卷又係一個口感好特別嘅卷物。 🍢爐端燒 頂級牛小排、豬頸肉、河鰻魚、免治雞肉、甜玉米、羅馬蕃茄。全部都肉質都控制得好好,係豬頸肉鹹咗少少。我最鍾意食河鰻魚、有雞軟骨喺入面嘅免治雞肉同埋好甜嘅粟米。 每人一份 🐟刺身 有牡丹蝦、吞拿魚腩、帶子、油甘魚,超新鮮! 🍲磯煮鮑魚 用上清酒煮鮑魚,鮑魚口感超級有咬口但係唔靭,清酒煮咗之後揮發咗酒味留返甜味。中間有個蘆筍俾你清一清味蕾。下面係用鮑魚汁煮嘅蘿蔔,清甜得來冇渣,再配上最底部嘅龍蝦汁有鮮味嘅衝擊。 🍤天婦羅 有紫蘇葉炸蝦、炸蟹鉗、炸海鰻、炸南瓜餅。紫蘇葉將炸蝦嘅味昇華咗,海鰻肉質好滑,南瓜餅入面有流心芝士。 🥩主食-A4宮崎和牛西冷陶版燒 切到一粒粒嘅A4和牛西冷,油香超豐富,好邪惡。 🦞主食-龍蝦海鮮火鍋 有一大舊起咗肉嘅龍蝦,超彈牙,湯底係醬油味,唔會搶過咗龍蝦嘅鮮味。 🍰甜品 有生果、蛋糕、糯米糍同埋蕨餅,為呢一餐畫上完美嘅句號。 靚景指數:💛💛💛💛💛 好食指數:💛💛💛💛💛 抵食指數:💛💛💛💛💛 📍Kyoto Joe 地址: 中環蘭桂坊德己立街30-36號加州大廈23樓 #全民打卡企劃#秋日美食

平均消費
HK$700
地址
KYOTO JOE
23/F California Tower, 30-36 D'Aguilar St, Central, 香港
評分
5/5
gd
gd
下一篇載入中