[{"@context":"https://schema.org","@type":"Article","headline":"得啖笑 (21) - 四萬六千人的夢想","image":["https://cloudapp01.ulifestyle.com.hk/post/600-16-9-CR-1-RB-1/post_1787889899285.jpeg"],"datePublished":"2026-08-29 01:00:35+08:00","url":"/community/detailpost/951f81bf-f362-4cbc-983b-e1a098632012/吹水/得啖笑-21-四/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"各位，最近睇樓市新聞，有單嘢真係令我非常感動。\n\n唔係因為樓價突然急跌，亦都唔係因為發展商大發慈悲「買樓送車位」，而是黃竹坑某個新盤，宣布收到超過四萬六千張認購登記，超額認購 254 倍！成為歷來首輪收票最多的新盤票王。\n\n香港人買樓嘅拼搏精神，媲美當年《阿信的故事》的阿信，永不放棄! (如果你太年輕不懂得誰是阿信，對不起😅 可以理解成櫻木花道誓要學識入樽一樣! )\n\n四萬六千幾個阿信/櫻木花道，爭百幾個單位啊 ! 看到這個數字，我第一個反應，唔單止係「樓市好旺」，而係：香港仲有好多人未放棄買樓 !\n\n你想像一下那個畫面：四萬六千人之中，最後只有少部分人可以交錢、做按揭、供樓供到n歲，然後幸運兒高呼「我中咗啦！」，其餘四萬五千幾個人捶胸頓足，憾恨自己今次買唔成樓。\n\n呢種「爭住去負債」嘅熱情，全世界真係只有香港先搵到。\n\n以前我哋年輕嗰陣去排隊買限量版波鞋，門外排幾百人，已經覺得場面壯觀。現在香港人買樓，動輒幾萬人。波鞋抽唔中，最多著返對舊鞋；樓抽唔中，就繼續交租，然後同自己講：「租樓都好，至少唔使煩管理費。」\n\n***抽籤買樓像買六合彩?\n\n新盤抽籤呢件事，係咪同買六合彩差唔多?\n\n相同之處，就是你要有一個夢想。\n\n咁不同之處呢?\n\n如果係中六合彩，你可以先冷靜幾日，研究點樣去用呢筆錢。\n\n如果買樓，你要計算自己有冇資格參加。然後，要研究號碼、位置、座向、景觀、折扣同付款方法。最後，你發現自己最需要研究嘅，原來係自己個銀行戶口。還要回答一連串生存問題：首期夠唔夠？供款會唔會太辛苦？利息會唔會再升？買咗之後樓價會唔會跌？\n\n所以買樓抽籤唔係普通抽獎，這是一種「恭喜你獲得作出重大人生決定的資格」嘅抽獎。\n\n***究竟應唔應該買樓?\n\n買樓嘅人，揀嘅姿勢係「跪喺銀行面前幾十年」；而租屋嘅人，揀嘅姿勢係「每隔兩年被業主加一次租，然後可能被迫去找下一站」。\n\n你話邊個姿勢靚啲？\n\n怎樣也好，可以說買樓其實並不是終點。買樓只是把租金交給銀行，並且獲得一個幾十年期的忠誠計劃。銀行對你說：「只要你每個月準時付款，我們便會一直陪伴你。」這種陪伴，比某些婚姻關係更加穩定。\n\n前幾日跟囡囡講起呢單搶樓嘅新聞，佢笑著說：「阿爸，你哋嗰代人真係好執著買樓。我同啲同學都覺得，租房咪得囉，想住邊就住邊，做乜要一生一世綁住自己供樓？」\n\n我們這代人，覺得有樓先有「安全感」；年輕人這代人，覺得有自由先有「存在感」。我們用三十年嘅青春，換咗一幅四分正正嘅牆；佢哋寧願要隨時打包行李走人嘅自由。\n\n***如果想要感覺良好\n\n食完下午茶，我同老婆喺屋邨花園散步。夕陽照喺一棟棟幾十層高嘅樓宇上面，密密麻麻嘅窗戶。無論是租樓抑或買樓，每一個窗後面，都係一個努力生活嘅故事。\n\n退休之後我開始明白，你可以鎖住間屋，但鎖唔住歲月，鎖唔住子女要飛走，更加鎖唔住自己慢慢變白嘅頭髮。\n\n我覺得如果想要感覺良好，從來都不是那四萬六千分之一嘅幸運，也不是樓契上嘅名字。更實際的可能是找到願意陪你，無論喺租樓或供樓嘅日子裡，同甘共苦一起過活的那個人。\n\r\n #退休 #吹水 #生活哲學 #熱話 #得啖笑 #買樓定租樓\r\n\r\n(此文章由U Blog 同步發佈至社群)"},{"@context":"https://schema.org","@type":"DiscussionForumPosting","headline":"得啖笑 (21) - 四萬六千人的夢想","image":["https://cloudapp01.ulifestyle.com.hk/post/600-16-9-CR-1-RB-1/post_1787889899285.jpeg"],"datePublished":"2026-08-29 01:00:35+08:00","url":"/community/detailpost/951f81bf-f362-4cbc-983b-e1a098632012/吹水/得啖笑-21-四/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"各位，最近睇樓市新聞，有單嘢真係令我非常感動。\n\n唔係因為樓價突然急跌，亦都唔係因為發展商大發慈悲「買樓送車位」，而是黃竹坑某個新盤，宣布收到超過四萬六千張認購登記，超額認購 254 倍！成為歷來首輪收票最多的新盤票王。\n\n香港人買樓嘅拼搏精神，媲美當年《阿信的故事》的阿信，永不放棄! (如果你太年輕不懂得誰是阿信，對不起😅 可以理解成櫻木花道誓要學識入樽一樣! )\n\n四萬六千幾個阿信/櫻木花道，爭百幾個單位啊 ! 看到這個數字，我第一個反應，唔單止係「樓市好旺」，而係：香港仲有好多人未放棄買樓 !\n\n你想像一下那個畫面：四萬六千人之中，最後只有少部分人可以交錢、做按揭、供樓供到n歲，然後幸運兒高呼「我中咗啦！」，其餘四萬五千幾個人捶胸頓足，憾恨自己今次買唔成樓。\n\n呢種「爭住去負債」嘅熱情，全世界真係只有香港先搵到。\n\n以前我哋年輕嗰陣去排隊買限量版波鞋，門外排幾百人，已經覺得場面壯觀。現在香港人買樓，動輒幾萬人。波鞋抽唔中，最多著返對舊鞋；樓抽唔中，就繼續交租，然後同自己講：「租樓都好，至少唔使煩管理費。」\n\n***抽籤買樓像買六合彩?\n\n新盤抽籤呢件事，係咪同買六合彩差唔多?\n\n相同之處，就是你要有一個夢想。\n\n咁不同之處呢?\n\n如果係中六合彩，你可以先冷靜幾日，研究點樣去用呢筆錢。\n\n如果買樓，你要計算自己有冇資格參加。然後，要研究號碼、位置、座向、景觀、折扣同付款方法。最後，你發現自己最需要研究嘅，原來係自己個銀行戶口。還要回答一連串生存問題：首期夠唔夠？供款會唔會太辛苦？利息會唔會再升？買咗之後樓價會唔會跌？\n\n所以買樓抽籤唔係普通抽獎，這是一種「恭喜你獲得作出重大人生決定的資格」嘅抽獎。\n\n***究竟應唔應該買樓?\n\n買樓嘅人，揀嘅姿勢係「跪喺銀行面前幾十年」；而租屋嘅人，揀嘅姿勢係「每隔兩年被業主加一次租，然後可能被迫去找下一站」。\n\n你話邊個姿勢靚啲？\n\n怎樣也好，可以說買樓其實並不是終點。買樓只是把租金交給銀行，並且獲得一個幾十年期的忠誠計劃。銀行對你說：「只要你每個月準時付款，我們便會一直陪伴你。」這種陪伴，比某些婚姻關係更加穩定。\n\n前幾日跟囡囡講起呢單搶樓嘅新聞，佢笑著說：「阿爸，你哋嗰代人真係好執著買樓。我同啲同學都覺得，租房咪得囉，想住邊就住邊，做乜要一生一世綁住自己供樓？」\n\n我們這代人，覺得有樓先有「安全感」；年輕人這代人，覺得有自由先有「存在感」。我們用三十年嘅青春，換咗一幅四分正正嘅牆；佢哋寧願要隨時打包行李走人嘅自由。\n\n***如果想要感覺良好\n\n食完下午茶，我同老婆喺屋邨花園散步。夕陽照喺一棟棟幾十層高嘅樓宇上面，密密麻麻嘅窗戶。無論是租樓抑或買樓，每一個窗後面，都係一個努力生活嘅故事。\n\n退休之後我開始明白，你可以鎖住間屋，但鎖唔住歲月，鎖唔住子女要飛走，更加鎖唔住自己慢慢變白嘅頭髮。\n\n我覺得如果想要感覺良好，從來都不是那四萬六千分之一嘅幸運，也不是樓契上嘅名字。更實際的可能是找到願意陪你，無論喺租樓或供樓嘅日子裡，同甘共苦一起過活的那個人。\n\r\n #退休 #吹水 #生活哲學 #熱話 #得啖笑 #買樓定租樓\r\n\r\n(此文章由U Blog 同步發佈至社群)"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-16-9-CR-1-RB-1/post_1787889899285.jpeg","creator":{"@type":"Person","name":"dinodaddy"}}]