[{"@context":"https://schema.org","@type":"Article","headline":"得啖笑 (15) - 遇到人生的第四大悲劇","image":["https://cloudapp01.ulifestyle.com.hk/post/600-960-780-CR-1-RB-1/post_1781529677140.jpeg"],"datePublished":"2026-06-17 01:00:35+08:00","url":"/community/detailpost/8b4e959a-46c2-4eab-9fce-e0dd4fcdbd46/吹水/得啖笑-15-遇/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"話說前幾天「獅子」同埋「財神」兩大網上銀行服務死機，全港九新界怨聲載道。\n\n對於這服務水平（上次死機才不過是今年一月尾），加上銀行的例牌回應：「不便之處，敬請原諒。」在我看來，就好像說: 「係咁㗎啦，好出奇呀！」只能自求多福。\n\n當日我仲以為自己好醒目，因為有其他銀行戶口頂住，又有信用卡，應該冇咩影響。點知，科技又再次教訓咗我一次!\n\n話說我嗰日揸住架電動車去商場充電。充完電，我想好似平時咁，用「獅子」張信用卡嘅積分，去換返個商場嘅積分嚟扣減返個充電費用同埋泊車費。\n\n點知？即使唔係用銀行app，而只係用個信用卡換積分app，都係要經一經「獅子」銀行登入，我棋差一著! 換唔到 !\n\n你諗下，嗰一刻，我手拿住部電話，睇住時間一分一秒咁過去，停車場好快又計多個鐘，成個畫面，就係「科技發達」嘅極致，但我就像一個傻仔咁企咗喺度，不斷嘗試登入。\n\n***現代人的「積分奴隸制」***\n\n曾經有人講過，人生三大悲劇通常是：賺唔到錢、儲唔到錢、錢仲未洗完人就走咗。\n\n當日我覺得人生有第四個悲劇：就係有積分但係用唔到!\n\n以前我哋返工，最重要嘅係咩？係「出糧」。每個月三十號，睇住個銀行戶口多咗筆數，個心就踏實。\n\n依家退休啦，我發現生活已經被另一種「貨幣」統治咗，嗰種貨幣叫「積分」。你有無發覺，依家去親邊度，都有人問你：「先生，有冇會員？有冇儲積分？」買舊麵包又有積分，入油又有積分，連去睇醫生，睇症都話可以儲積分！\n\n當日我企喺商場，原本個盤算係完美嘅：我用信用卡積分，換商場積分；再用商場積分，去換免費充電泊車；然後用省落嚟嘅錢，去幫補下嘆個午餐。呢個係一個幾多咁天衣無縫、充滿智慧嘅「退休財務對沖策略」？\n\n點知，個App轉極都係個「沙漏」，最後彈句：「系統繁忙，積分未能轉換。」\n\n那一刻，我真係看透世事。原來我以為自己係精明消費者，其實我只係一隻在「積分滾輪」上面不斷跑、不斷跑嘅白老鼠。\n\n***當「充完電」遇上「換唔到分」***\n\n呢件事最具有哲學意義嘅地方，係我啱啱幫架車「充完電」。架車充飽咗電，能量滿滿，隨時可以行多四百公里。但係我呢個「司機」，戇居居望住個手機畫面，因為換唔到商場積分，成個人「謝」晒。架車有電，但我個人無電。\n\n我老婆喺旁邊，一邊刷緊佢部電話，睇緊阿女IG發嘅風景相，一邊好冷靜咁同我講：「算啦，直接俾錢啦！你都就快搞到停車場過鐘!」\n\n我當時啲脾氣就嚟喇：「呢個唔係錢嘅問題，呢個係『原則』嘅問題！我明明有積分，佢唔俾我換，即係代表我嘅資產被凍結！我接受唔到！」\n\n老婆望一望我，嘆咗口氣，講咗一句極有深度嘅話：「你以前返工就話分秒必爭賺錢啫。依家你退休啦，點解仲要為咗用積分，浪費你享受人生嘅時間？」\n\n一言驚醒夢中人。\n\n我以為自己自由咗，其實我只是由「返工嘅規矩」，跳進了「生活嘅規矩」。就好像我今日咁，為咗積分，同個App博命，差點破壞咗同老婆嘆午餐嘅心情。\n\n***智慧就在「放低」之間***\n\n在現實生活入面，真正嘅智慧，往往係「我認輸，但我贏返自己嘅心情」。\n\n當時我部電話個App已經第n次顯示「錯誤代碼：404」，我深呼吸一口氣，轉用信用卡真金白銀畀錢。\n\n我架車離開停車場嘅時候，自動閘門「嘟」咗一聲。那一刻，我好似打通咗任督二脈咁舒服。去他的信用卡積分，去他的商場會員。我俾多咗幾十蚊，但我買返我同老婆半日嘅快樂。\n\n生活嘅「積分」，唔係儲喺部電話嘅App入面，係儲喺你同身邊人一齊嘅每一刻入面。而且永不怕死機，除非你自己「登出」。\n\n大家話係咪？\n\n\n\n\n\n\r\n #吹水 #科技 #電動車 #信用卡積分 #熱話 #得啖笑 #銀行死機 #積分奴隸制 #人生第四大悲劇\r\n\r\n(此文章由U Blog 同步發佈至社群）"},{"@context":"https://schema.org","@type":"DiscussionForumPosting","headline":"得啖笑 (15) - 遇到人生的第四大悲劇","image":["https://cloudapp01.ulifestyle.com.hk/post/600-960-780-CR-1-RB-1/post_1781529677140.jpeg"],"datePublished":"2026-06-17 01:00:35+08:00","url":"/community/detailpost/8b4e959a-46c2-4eab-9fce-e0dd4fcdbd46/吹水/得啖笑-15-遇/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"話說前幾天「獅子」同埋「財神」兩大網上銀行服務死機，全港九新界怨聲載道。\n\n對於這服務水平（上次死機才不過是今年一月尾），加上銀行的例牌回應：「不便之處，敬請原諒。」在我看來，就好像說: 「係咁㗎啦，好出奇呀！」只能自求多福。\n\n當日我仲以為自己好醒目，因為有其他銀行戶口頂住，又有信用卡，應該冇咩影響。點知，科技又再次教訓咗我一次!\n\n話說我嗰日揸住架電動車去商場充電。充完電，我想好似平時咁，用「獅子」張信用卡嘅積分，去換返個商場嘅積分嚟扣減返個充電費用同埋泊車費。\n\n點知？即使唔係用銀行app，而只係用個信用卡換積分app，都係要經一經「獅子」銀行登入，我棋差一著! 換唔到 !\n\n你諗下，嗰一刻，我手拿住部電話，睇住時間一分一秒咁過去，停車場好快又計多個鐘，成個畫面，就係「科技發達」嘅極致，但我就像一個傻仔咁企咗喺度，不斷嘗試登入。\n\n***現代人的「積分奴隸制」***\n\n曾經有人講過，人生三大悲劇通常是：賺唔到錢、儲唔到錢、錢仲未洗完人就走咗。\n\n當日我覺得人生有第四個悲劇：就係有積分但係用唔到!\n\n以前我哋返工，最重要嘅係咩？係「出糧」。每個月三十號，睇住個銀行戶口多咗筆數，個心就踏實。\n\n依家退休啦，我發現生活已經被另一種「貨幣」統治咗，嗰種貨幣叫「積分」。你有無發覺，依家去親邊度，都有人問你：「先生，有冇會員？有冇儲積分？」買舊麵包又有積分，入油又有積分，連去睇醫生，睇症都話可以儲積分！\n\n當日我企喺商場，原本個盤算係完美嘅：我用信用卡積分，換商場積分；再用商場積分，去換免費充電泊車；然後用省落嚟嘅錢，去幫補下嘆個午餐。呢個係一個幾多咁天衣無縫、充滿智慧嘅「退休財務對沖策略」？\n\n點知，個App轉極都係個「沙漏」，最後彈句：「系統繁忙，積分未能轉換。」\n\n那一刻，我真係看透世事。原來我以為自己係精明消費者，其實我只係一隻在「積分滾輪」上面不斷跑、不斷跑嘅白老鼠。\n\n***當「充完電」遇上「換唔到分」***\n\n呢件事最具有哲學意義嘅地方，係我啱啱幫架車「充完電」。架車充飽咗電，能量滿滿，隨時可以行多四百公里。但係我呢個「司機」，戇居居望住個手機畫面，因為換唔到商場積分，成個人「謝」晒。架車有電，但我個人無電。\n\n我老婆喺旁邊，一邊刷緊佢部電話，睇緊阿女IG發嘅風景相，一邊好冷靜咁同我講：「算啦，直接俾錢啦！你都就快搞到停車場過鐘!」\n\n我當時啲脾氣就嚟喇：「呢個唔係錢嘅問題，呢個係『原則』嘅問題！我明明有積分，佢唔俾我換，即係代表我嘅資產被凍結！我接受唔到！」\n\n老婆望一望我，嘆咗口氣，講咗一句極有深度嘅話：「你以前返工就話分秒必爭賺錢啫。依家你退休啦，點解仲要為咗用積分，浪費你享受人生嘅時間？」\n\n一言驚醒夢中人。\n\n我以為自己自由咗，其實我只是由「返工嘅規矩」，跳進了「生活嘅規矩」。就好像我今日咁，為咗積分，同個App博命，差點破壞咗同老婆嘆午餐嘅心情。\n\n***智慧就在「放低」之間***\n\n在現實生活入面，真正嘅智慧，往往係「我認輸，但我贏返自己嘅心情」。\n\n當時我部電話個App已經第n次顯示「錯誤代碼：404」，我深呼吸一口氣，轉用信用卡真金白銀畀錢。\n\n我架車離開停車場嘅時候，自動閘門「嘟」咗一聲。那一刻，我好似打通咗任督二脈咁舒服。去他的信用卡積分，去他的商場會員。我俾多咗幾十蚊，但我買返我同老婆半日嘅快樂。\n\n生活嘅「積分」，唔係儲喺部電話嘅App入面，係儲喺你同身邊人一齊嘅每一刻入面。而且永不怕死機，除非你自己「登出」。\n\n大家話係咪？\n\n\n\n\n\n\r\n #吹水 #科技 #電動車 #信用卡積分 #熱話 #得啖笑 #銀行死機 #積分奴隸制 #人生第四大悲劇\r\n\r\n(此文章由U Blog 同步發佈至社群）"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-960-780-CR-1-RB-1/post_1781529677140.jpeg","creator":{"@type":"Person","name":"dinodaddy"}}]