[{"@context":"https://schema.org","@type":"Article","headline":"深圳📍美食 | 人氣素食🥗 必食之選","image":["https://cloudapp01.ulifestyle.com.hk/post/600-798-997-CR-1-RB-1/post_1777005805119.jpeg","https://cloudapp01.ulifestyle.com.hk/post/600-798-997-CR-1-RB-1/post_1777112556537.jpeg","https://cloudapp01.ulifestyle.com.hk/post/600-798-997-CR-1-RB-1/post_1777112592336.jpeg","https://cloudapp01.ulifestyle.com.hk/post/600-798-997-CR-1-RB-1/post_1777112593616.jpeg"],"datePublished":"2026-04-25 18:23:37+08:00","url":"/community/detailpost/893af005-e4af-49a7-86c9-a002a4c55a5a/深圳攻略/深圳美食-人氣素食/feijaichoy/1004373","author":{"@type":"Person","name":"feijaichoy","url":"https://www.ulifestyle.com.hk/community/user_profile/1004373/feijaichoy"},"text":"平時出街食飯，有時難免會大魚大肉。近年大家越嚟越注重健康，而素食就成為咗唔少人嘅選擇。有人覺得食物味道比較單調，又有人認為普遍定價偏高，更有人擔心加工素肉/色素帶嚟安全隱患。不過，今次介紹俾大家嘅人氣餐廳絕對可以消除大家嘅疑慮，對素食會有一個全新嘅體驗！\n\n✿✧✿✧✿✧✿✧✿✧✿✧✿✧✿✧✿✧✿✧✿✧✿\n\n🏞 環境\n\n嚟自杭州嘅「慶春樸門」主打創意有機素食料理，係上年9月正式登陸深圳灣萬象城二期。\n\n餐廳佔地過萬呎，一入門口就見到寬敞舒適嘅等候區，而裡面設有開放式廚房，可以係等候嘅同時望到員工準備食材嘅情況。\n\n餐廳以庭園裝潢作為主調，配合綠色植物嘅擺設，營造簡樸風格。走廊位置對窗，可以遠眺公園嘅景色，空間感十足。想私隱度高啲，亦可以選擇獨立包廂，其和室嘅設計增添恬靜嘅氛圍。\n\n✧✿✧✿✧✿✧✿✧✿✧✿✧✿✧✿✧✿✧✿✧✿✧\n\n👨‍💼 服務\n\n係細節上可以睇到餐廳用心經營。例如落單前會問有無戒口，上菜個陣會作簡單介紹，見打卡影相後送山楂烏梅汁以推廣產品等等，令人印象深刻。\n\n✧✿✧✿✧✿✧✿✧✿✧✿✧✿✧✿✧✿✧✿✧✿✧\n\n🍽 食評\n\n佛陀碗🥗（￥38）\n\n沙律碗嘅設計，配搭色彩豐富嘅時蔬，同黏口軟糯嘅紫米飯，真正做到層次分明同色香味俱全。食材方面用上芋頭、腰果、枝豆、番茄同豆腐切粒，配搭附上嘅麻油，提升香味又唔會掩蓋材料嘅味道。\n\n南洋肉骨茶🍲（￥36）\n\n係無素肉或者仿葷嘅情況下，要模仿豬肉嘅質感同味道就無乜可能啦！不過，以馬來藥膳湯底做基礎，配上豆腐扒、冬菇、蘑菇、翠玉瓜等配料，香氣濃郁，味道純粹。唯一不足係個菜唔跟白飯同油炸鬼，感覺就好似差啲嘢咁。\n\n橄欖油煎三種菇🍄（￥38）\n\n整體感覺一般。呢道菜用咗平時打邊爐常見嘅蘑菇、秀珍菇同海鮮菇作為食材。可能係因為煎嘅時間比較耐，出水後導致口感較乾。另外，羅勒葉同橄欖油嘅味道較濃，蓋過菇嘅鮮味，整體都較油。\n\n慶春米糕🍚（￥26）\n\n作為招牌點心之一，幾乎每檯客都有叫嚟品嚐！\n1籠有4件，白色方形米糕外表簡約，印上店舖名。有機糯米口感煙韌鬆軟，而裡面嘅紅豆蓉綿密細膩，散發住香甜醇厚嘅豆香，用嚟做飯後甜品就最好不過！\n\n桂花荔浦芋頭（￥6）\n\n廣西特產荔浦芋頭口感綿密粉嫩，入口即融，無渣亦無羶味。本身芋頭味道偏淡，係混合自家製桂花蜜之後，帶嚟清新嘅香氣，甜度適中，令整個甜品味道昇華！\n\n✧✿✧✿✧✿✧✿✧✿✧✿✧✿✧✿✧✿✧✿✧✿✧\n\n整體嚟講，環境舒適、服務細心、價錢相宜、食物美味。相信對素食定非素食人士嚟講，都係個唔錯嘅選擇！\n\n✧✿✧✿✧✿✧✿✧✿✧✿✧✿✧✿✧✿✧✿✧✿✧\n\n慶春樸門\n🗺 地址：深圳灣萬象城 B 區 BL205-BL301 號舖（5號電梯上3樓）\n⏰️ 營業時間：09:00 - 22:30\n💸 人均消費：$80/位\r\n😋 味道：4/5\r\n🏞 環境：4/5\r\n🤵‍♂️ 服務：4.5/5\r\n💰 性價比：4/5\n\n#慶春樸門 #深圳灣萬象城 #素食 #深圳美食 #深圳好去處 #深圳攻略 #有機 "},{"@context":"https://schema.org","@type":"DiscussionForumPosting","headline":"深圳📍美食 | 人氣素食🥗 必食之選","image":["https://cloudapp01.ulifestyle.com.hk/post/600-798-997-CR-1-RB-1/post_1777005805119.jpeg","https://cloudapp01.ulifestyle.com.hk/post/600-798-997-CR-1-RB-1/post_1777112556537.jpeg","https://cloudapp01.ulifestyle.com.hk/post/600-798-997-CR-1-RB-1/post_1777112592336.jpeg","https://cloudapp01.ulifestyle.com.hk/post/600-798-997-CR-1-RB-1/post_1777112593616.jpeg"],"datePublished":"2026-04-25 18:23:37+08:00","url":"/community/detailpost/893af005-e4af-49a7-86c9-a002a4c55a5a/深圳攻略/深圳美食-人氣素食/feijaichoy/1004373","author":{"@type":"Person","name":"feijaichoy","url":"https://www.ulifestyle.com.hk/community/user_profile/1004373/feijaichoy"},"text":"平時出街食飯，有時難免會大魚大肉。近年大家越嚟越注重健康，而素食就成為咗唔少人嘅選擇。有人覺得食物味道比較單調，又有人認為普遍定價偏高，更有人擔心加工素肉/色素帶嚟安全隱患。不過，今次介紹俾大家嘅人氣餐廳絕對可以消除大家嘅疑慮，對素食會有一個全新嘅體驗！\n\n✿✧✿✧✿✧✿✧✿✧✿✧✿✧✿✧✿✧✿✧✿✧✿\n\n🏞 環境\n\n嚟自杭州嘅「慶春樸門」主打創意有機素食料理，係上年9月正式登陸深圳灣萬象城二期。\n\n餐廳佔地過萬呎，一入門口就見到寬敞舒適嘅等候區，而裡面設有開放式廚房，可以係等候嘅同時望到員工準備食材嘅情況。\n\n餐廳以庭園裝潢作為主調，配合綠色植物嘅擺設，營造簡樸風格。走廊位置對窗，可以遠眺公園嘅景色，空間感十足。想私隱度高啲，亦可以選擇獨立包廂，其和室嘅設計增添恬靜嘅氛圍。\n\n✧✿✧✿✧✿✧✿✧✿✧✿✧✿✧✿✧✿✧✿✧✿✧\n\n👨‍💼 服務\n\n係細節上可以睇到餐廳用心經營。例如落單前會問有無戒口，上菜個陣會作簡單介紹，見打卡影相後送山楂烏梅汁以推廣產品等等，令人印象深刻。\n\n✧✿✧✿✧✿✧✿✧✿✧✿✧✿✧✿✧✿✧✿✧✿✧\n\n🍽 食評\n\n佛陀碗🥗（￥38）\n\n沙律碗嘅設計，配搭色彩豐富嘅時蔬，同黏口軟糯嘅紫米飯，真正做到層次分明同色香味俱全。食材方面用上芋頭、腰果、枝豆、番茄同豆腐切粒，配搭附上嘅麻油，提升香味又唔會掩蓋材料嘅味道。\n\n南洋肉骨茶🍲（￥36）\n\n係無素肉或者仿葷嘅情況下，要模仿豬肉嘅質感同味道就無乜可能啦！不過，以馬來藥膳湯底做基礎，配上豆腐扒、冬菇、蘑菇、翠玉瓜等配料，香氣濃郁，味道純粹。唯一不足係個菜唔跟白飯同油炸鬼，感覺就好似差啲嘢咁。\n\n橄欖油煎三種菇🍄（￥38）\n\n整體感覺一般。呢道菜用咗平時打邊爐常見嘅蘑菇、秀珍菇同海鮮菇作為食材。可能係因為煎嘅時間比較耐，出水後導致口感較乾。另外，羅勒葉同橄欖油嘅味道較濃，蓋過菇嘅鮮味，整體都較油。\n\n慶春米糕🍚（￥26）\n\n作為招牌點心之一，幾乎每檯客都有叫嚟品嚐！\n1籠有4件，白色方形米糕外表簡約，印上店舖名。有機糯米口感煙韌鬆軟，而裡面嘅紅豆蓉綿密細膩，散發住香甜醇厚嘅豆香，用嚟做飯後甜品就最好不過！\n\n桂花荔浦芋頭（￥6）\n\n廣西特產荔浦芋頭口感綿密粉嫩，入口即融，無渣亦無羶味。本身芋頭味道偏淡，係混合自家製桂花蜜之後，帶嚟清新嘅香氣，甜度適中，令整個甜品味道昇華！\n\n✧✿✧✿✧✿✧✿✧✿✧✿✧✿✧✿✧✿✧✿✧✿✧\n\n整體嚟講，環境舒適、服務細心、價錢相宜、食物美味。相信對素食定非素食人士嚟講，都係個唔錯嘅選擇！\n\n✧✿✧✿✧✿✧✿✧✿✧✿✧✿✧✿✧✿✧✿✧✿✧\n\n慶春樸門\n🗺 地址：深圳灣萬象城 B 區 BL205-BL301 號舖（5號電梯上3樓）\n⏰️ 營業時間：09:00 - 22:30\n💸 人均消費：$80/位\r\n😋 味道：4/5\r\n🏞 環境：4/5\r\n🤵‍♂️ 服務：4.5/5\r\n💰 性價比：4/5\n\n#慶春樸門 #深圳灣萬象城 #素食 #深圳美食 #深圳好去處 #深圳攻略 #有機 "},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-798-997-CR-1-RB-1/post_1777005805119.jpeg","creator":{"@type":"Person","name":"feijaichoy"}}]