睇個名唔好以為呢間餐廳剩係得咖啡同清酒，其實呢到都提供日系fusion菜式，餐廳裝潢型格時尚，而鐘意飲酒嘅朋友更加可以叫返杯配搭所選菜式嘅清酒聽住音樂細味品嘗一吓。 Pi-dan Agedashi $68 先上嘅一款前菜係炸涓豆腐，面頭加咗蔬菜絲，而底部就有用皮蛋整嘅蛋黃醬。嫩滑冇渣嘅豆腐炸過之後外層增添咗口感，豆味香濃，同皮蛋蛋黃醬非常夾。 Squid & Chorizo $128 另一款前菜將西班牙辣肉腸打成醬，加埋醃菜做成sauce，配搭板燒魷魚同炸腐皮。魷魚爽嫩、腐皮香脆、辣肉腸惹味，加埋就係一道非常有特色嘅fusion菜。 Maguro Risotto $218 主食方面朋友叫咗個意大利飯，用嘅係黎自日本青森縣嘅米，配搭高級嘅藍鳍吞拿赤身&拖羅蓉，再加上漬流心蛋黃同Wasabi，用料非常有心思。撈埋之後每一啖都係細滑鮮味嘅吞拿魚香同蛋黃香。 Daily Pasta $178 呢到嘅Pasta款式每日都唔同，而今日就係藍青口虎蝦意大利粉。虎蝦結實彈牙，藍青口鮮甜嫩口，酸甜嘅鮮茄醬汁，加上al dente嘅意粉，味道唔錯。 水神 純米大辛口(90ml) $98 一場黎到當然要叫返杯酒，配搭返所點嘅食物店員就推介呢款岩手縣產嘅純米酒，入口偏向辛口同dry，有香濃嘅米香同醇厚嘅酒味。 。 。 Suit Coffee & Sake (上環) 上環蘇杭街89號地舖 。 。