[{"@context":"https://schema.org","@type":"Article","headline":"得啖笑 (18) -《林女士，多謝你！》","image":["https://cloudapp01.ulifestyle.com.hk/post/600-4-5-CR-1-RB-1/post_1783784600958.jpeg"],"datePublished":"2026-07-11 01:00:35+08:00","url":"/community/detailpost/85a0c9c5-89ad-4dca-97d0-ddead04439e3/吹水/得啖笑-18-林女/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"各位老友，自從退休兼個女去咗英國讀書，我同老婆嘅生活得四個字：靜過太空。點知前幾日早上，手機「叮」一聲，打破咗平靜。大家一齊睇下呢個 SMS：\n\n> 「鄰居，我係林女士。最近樓上深夜噪音好大，嚴重影響我休息。我錄低咗聲音同影片，加我 WS：52043850，謝謝」\n\n我同老婆坐喺梳化，一邊玩手機一邊研究。我話：「老婆，呢位林女士真係幽默。」\n\n我一直覺得，世界好簡單，人類好複雜。但係呢個訊息，將呢個複雜嘅世界，活生生變成咗一個「低能測試場」。\n\n首先，佢話係我鄰居，仲精準到知道我嘅電話號碼？如果真係嘈到佢，正常鄰居會點？\n * A：直接Whatsapp我\n * B：打去管理處投訴，要求管理員警告\n * C：SMS 叫我加 WS ，交流影片\n\n答案竟然係 C！呢位林女士直情係聖人，被嘈到「嚴重影響休息」都仲想同我喺 WhatsApp 優雅地交流影片。呢種唔係鄰居，係佛祖顯靈。\n\n再講，佢話「深夜噪音好大」。林女士，你知唔知咩叫退休人士？我而家十一點半準時入房。深夜唯一嘅「噪音」，一係山崩地裂嘅鼻鼾聲，一係夜尿頻密嘅長吁短嘆。如果呢啲都算，你應該幫我報名參加改善睡眠講座，而唔係加WhatsApp。\n\n***點解咁低能，依然有人中招？\n\n我將張截圖轉發去「退休吹水群組」，班老友記反應勁過討論邊隻高息股。有老友話：「叫佢上嚟我屋企打麻雀啦，反正我深夜都失眠！」又有老友話：「而家啲騙徒一代不如一代，以前『猜猜我是誰』仲要扮下嘢，而家一條 SMS 就想搵食，直情係對我哋專業退休人士嘅智商侮辱！」\n\n笑完一輪，群組靜返。我放低手機，開始思考一個好嚴肅嘅問題：點解咁是但嘅手法，依然有人中招？\n\n後來我想通咗。呢類騙案唔係考智商，而係考你嘅「內疚感」。你一睇到「嚴重影響我休息」，個心就離一離，開始自我懷疑：「尋晚係咪電視開太大聲？定係老婆行路太重腳步？」一內疚，你就會手快加佢 WS。一加，佢就傳條有毒連結，話係「噪音影片」。嗰條 link 唔係影片，而係釣魚網站或者惡意程式——你一撳，銀行嘅 SMS 驗證碼就會被攔截，戶口啲錢就正式同你講拜拜。\n\n***另類心靈慰藉?\n\n人大咗，朋友大家都有自己嘅生活，唔會無緣無故日日傳訊息。騙徒反而成為咗每日最風雨不改、最關心你屋企有冇噪音、最想加你 WhatsApp 嘅「密友」。\n\n真正關心你嘅人，未必得閒傳訊息畀你；而日日準時傳訊息投訴你嘅，往往係想呃你副身家嘅騙徒。\n\n我望住個天花，突然有啲心酸。呢個就係現代社會最諷刺嘅現實。\n\n可以點？我唯有截圖，寫咗呢篇網誌，分享給大家，知道風險依然存在。\n\n林女士，多謝你。多謝你喺一個平淡如水嘅早晨，帶畀我同老婆一粒鐘歡樂。你用你「高超」嘅手法，成功促進咗我哋老夫老妻嘅感情交流。\n\n今晚我會記得閂好房門，免得我嘅鼻鼾聲，真係傳到去你度。\r\n #退休 #吹水 #生活哲學 #熱話 #得啖笑 #智商測試場\r\n\r\n(此文章由U Blog 同步發佈至社群)"},{"@context":"https://schema.org","@type":"DiscussionForumPosting","headline":"得啖笑 (18) -《林女士，多謝你！》","image":["https://cloudapp01.ulifestyle.com.hk/post/600-4-5-CR-1-RB-1/post_1783784600958.jpeg"],"datePublished":"2026-07-11 01:00:35+08:00","url":"/community/detailpost/85a0c9c5-89ad-4dca-97d0-ddead04439e3/吹水/得啖笑-18-林女/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"各位老友，自從退休兼個女去咗英國讀書，我同老婆嘅生活得四個字：靜過太空。點知前幾日早上，手機「叮」一聲，打破咗平靜。大家一齊睇下呢個 SMS：\n\n> 「鄰居，我係林女士。最近樓上深夜噪音好大，嚴重影響我休息。我錄低咗聲音同影片，加我 WS：52043850，謝謝」\n\n我同老婆坐喺梳化，一邊玩手機一邊研究。我話：「老婆，呢位林女士真係幽默。」\n\n我一直覺得，世界好簡單，人類好複雜。但係呢個訊息，將呢個複雜嘅世界，活生生變成咗一個「低能測試場」。\n\n首先，佢話係我鄰居，仲精準到知道我嘅電話號碼？如果真係嘈到佢，正常鄰居會點？\n * A：直接Whatsapp我\n * B：打去管理處投訴，要求管理員警告\n * C：SMS 叫我加 WS ，交流影片\n\n答案竟然係 C！呢位林女士直情係聖人，被嘈到「嚴重影響休息」都仲想同我喺 WhatsApp 優雅地交流影片。呢種唔係鄰居，係佛祖顯靈。\n\n再講，佢話「深夜噪音好大」。林女士，你知唔知咩叫退休人士？我而家十一點半準時入房。深夜唯一嘅「噪音」，一係山崩地裂嘅鼻鼾聲，一係夜尿頻密嘅長吁短嘆。如果呢啲都算，你應該幫我報名參加改善睡眠講座，而唔係加WhatsApp。\n\n***點解咁低能，依然有人中招？\n\n我將張截圖轉發去「退休吹水群組」，班老友記反應勁過討論邊隻高息股。有老友話：「叫佢上嚟我屋企打麻雀啦，反正我深夜都失眠！」又有老友話：「而家啲騙徒一代不如一代，以前『猜猜我是誰』仲要扮下嘢，而家一條 SMS 就想搵食，直情係對我哋專業退休人士嘅智商侮辱！」\n\n笑完一輪，群組靜返。我放低手機，開始思考一個好嚴肅嘅問題：點解咁是但嘅手法，依然有人中招？\n\n後來我想通咗。呢類騙案唔係考智商，而係考你嘅「內疚感」。你一睇到「嚴重影響我休息」，個心就離一離，開始自我懷疑：「尋晚係咪電視開太大聲？定係老婆行路太重腳步？」一內疚，你就會手快加佢 WS。一加，佢就傳條有毒連結，話係「噪音影片」。嗰條 link 唔係影片，而係釣魚網站或者惡意程式——你一撳，銀行嘅 SMS 驗證碼就會被攔截，戶口啲錢就正式同你講拜拜。\n\n***另類心靈慰藉?\n\n人大咗，朋友大家都有自己嘅生活，唔會無緣無故日日傳訊息。騙徒反而成為咗每日最風雨不改、最關心你屋企有冇噪音、最想加你 WhatsApp 嘅「密友」。\n\n真正關心你嘅人，未必得閒傳訊息畀你；而日日準時傳訊息投訴你嘅，往往係想呃你副身家嘅騙徒。\n\n我望住個天花，突然有啲心酸。呢個就係現代社會最諷刺嘅現實。\n\n可以點？我唯有截圖，寫咗呢篇網誌，分享給大家，知道風險依然存在。\n\n林女士，多謝你。多謝你喺一個平淡如水嘅早晨，帶畀我同老婆一粒鐘歡樂。你用你「高超」嘅手法，成功促進咗我哋老夫老妻嘅感情交流。\n\n今晚我會記得閂好房門，免得我嘅鼻鼾聲，真係傳到去你度。\r\n #退休 #吹水 #生活哲學 #熱話 #得啖笑 #智商測試場\r\n\r\n(此文章由U Blog 同步發佈至社群)"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-4-5-CR-1-RB-1/post_1783784600958.jpeg","creator":{"@type":"Person","name":"dinodaddy"}}]