澳門📍Goat Bakers✨免排隊攻略😆記得去氹仔分店‼️

#全民打卡企劃 上次去澳門試咗呢間人氣Goat Bakers✨奶酪花杯子💡的確係好出色🤟🏻不過12點一開門就已經賣晒咁滯，而且仲有好多人排隊添😇 簡單介紹返個人氣大熱嘅產品先🤪玫瑰花外形，酥脆千層外皮包住流心爆漿奶酪，成個拳頭咁大，絕對係好食又抵食😋😋 今次無意間行過氹仔巴波沙總督街，竟然俾我發現Goat Bakers原來喺呢度開咗分店‼️‼️可能仲唔係好多人知道，所以今次係完全唔使排隊，而且每一樣產品都仲有好多🤣🤣絕對可以慢慢揀😛門口仲有長凳可以坐低打卡影相📸 今次都係買咗個 #原味奶酪花杯子 ，順便買咗凍嘅latte，杯咖啡出奇地好飲，估唔到呢間賣麵包嘅舖頭連咖啡都咁出色，咖啡味道香醇濃厚，絕對有驚喜💯 因為當日行程都好緊湊，所以個原味奶酪花杯子我哋係留到第二朝嘅朝頭早做早餐，就算隔夜，放入雪櫃第二日食依然都係咁好味🤤 去澳門記得去試吓啦❤️❤️ Goat Bakers✨ 📍氹仔店 - 巴波沙總督街80號地下C(12:00-18:00) 📍本島店 - 永聯台52號永聯大廈地舖*同新馬路相距好遠的(11:00-19:00) #GoatBakers