🌸白布烏冬🌸 地點：已停業🥲聽講之後網上會賣，大家可以留意下～ 深水埗有間隱世大大塊的群馬縣🇯🇵手打烏冬🍜，作為煙韌控的小編當然唔可以錯過，同大家一齊試下啦🙋🏻‍♀️ 🌺食物：4.2/5 環境：🌕🌕🌕🌖/5 (超級日式又闊落舒服🏮) 👉鴨肉🦆入熱湯白布烏冬($86) 先講主角白布烏冬🍜，熱湯的白布烏冬質地類似餃子皮及刀削麵的混合體，食落比平時的烏冬較有咬口及口感亦更吸汁💦 3片肥厚的鴨胸肉🦆油香豐富， 皮的部分輕輕燒過帶走油膩感更帶炭火燒味🔥，而鴨肉部分用慢煮煮至軟嫩、入口輕咬便融化，超級驚喜 最特別係佢地的鰹魚🐟汁底， 入口溫度雖偏暖，但其實背後是餐廳的貼心及堅持✊🏻—鰹魚汁遇熱會變酸，食唔返醬底中鮮甜的口味，所以特意調至微暖～常溫❤️ 👉冷汁白布烏冬～二味($66) 二味的意思是配上鰹魚汁及胡麻醬兩款醬汁 個人更偏好冷烏冬❄️的質感， 口感更彈牙有質感同時亦有麥香🌾，更能品味出手打烏冬及白布烏冬的特色，不過份量會比其他的多2-3片， 大家要注意⚠️ 👉雞肉Curry 白布烏冬($88) 重口味必選🙆🏻‍♀️帶甜的日式咖哩配上比平時闊的白布烏冬就更易吸收到d精華同入味，加上咖哩🥘會比較熱辣辣 特別是如果大家食唔慣凍/常溫的烏冬的話推薦大家叫這一款😉 👉牛肉入熱白布烏冬($76) 肥牛片🐂脂肪比例適中，但因湯底只是微熱，牛肉的油份未能融入湯底有少少可惜 👉明太子玉子燒($18) 關東地區的玉子燒，明顯的甜味及較紮實，雞蛋香🥚較濃郁 👉日式蘿蔔煮八爪魚🐙($28) 漬物非常入味及軟淋，一上枱已經俾人清曬encore