[{"@context":"https://schema.org","@type":"Article","headline":"【融創文旅城 - 熱雪奇蹟（廣州）】｜中女學Snowboard 體驗","image":["https://cloudapp01.ulifestyle.com.hk/post/600-1-1-CR-1-RB-1/post_1713075742638.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742524.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742541.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742715.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742717.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742555.jpeg"],"datePublished":"2024-04-14 14:22:08+08:00","url":"/community/detailpost/7ddb882c-745f-441d-8488-dc9a927ad70d/打卡熱點/Tracy.Love.Living/157639","author":{"@type":"Person","name":"Tracy.Love.Living","url":"https://www.ulifestyle.com.hk/community/user_profile/157639/Tracy.Love.Living"},"text":"我一直都係一個「零」運動細胞嘅人，仲要係中女（連中年好聲音都參加得啦😂），雖然係咁，我都會試吓唔同嘅體驗。例如我完全唔識游水，都有跟教練學過幾堂 wakeboard，可以響水上滑行頗耐，又試過響浮羅交怡潛水、埃及紅海浮潛、沙巴玩激流、泰國玩各款水上活動，我都算心口有個勇字嘅～\n\n話說上一次 skiing，已經係大學時期跟旅行團去韓國雪嶽山，因為個團包玩 skiing 三個鐘，我自己響新手斜坡玩，都滑到落去，仲玩咗3次（因為滑咗落去要自己孭住2條雪板 + 2支手棍行返上斜坡勁攰，就唔玩啦）！\n\n今年年頭，忽然想去滑雪，新年時同朋友提起，佢哋話不如先搵教練學咗再去真滑雪場滑，我覺得頗有道理。朋友話上年帶過小朋友去廣州跟教練學，唔係太貴，對於我呢個寧願講英文都唔想講爛普通話嘅人嚟講，聽到之後本身都幾抗拒，尤其係我對於北上消費零興趣，因為我仲好記得6年幾前去北京上堂，當年我一個人搭的士去機場，被司機歧視我用現金嘅負面感覺，自此我冇再北上，亦完全唔會裝內地電子支付app！\n\n後尾朋友話教練係香港人，我嘅抗拒感減低咗一半以上，就決定跟朋友去試吓！呢個響廣州嘅室內滑雪場響花都融創，距離高鐵站要1個鐘有多嘅車程，我哋揀咗住響對面嘅酒店，雖然酒店有 shuttle bus，不過半個鐘一班，我哋行過去都係幾分鐘。\n\n滑雪場響一個大商場入面，需要自行購買入場門票（包滑雪衫褲、鞋、雪板同頭盔），頭套、滑雪手套同滑雪襪要自備，另外可以加￥30租埋保護墊同護膝，龜龜造型保護套裝外觀其實都幾攪笑得意，不過好重要，初次滑雪一定要租，因為向前向後跌都可以保護到，跌都唔會太痛，尤其我唔係18 22 又整親過膝頭哥，戴咗龜龜我自己就覺得跌嘅時候一D 都唔痛！\n\n個場都幾大，入場有一張卡，憑卡排隊攞衫褲同鞋，攞完再去另一個位攞雪板同頭盔，亦都有 locker，借嘢還嘢都要用卡。因為平日去，排隊大概10分鐘左右，唔算好多人。衫褲唔算太新，雪板、頭盔同鞋都okay 新，可以帶定消毒噴霧。佢有更衣室同廁所，重點係廁所唔係踎廁都幾乾淨，更衣室夠闊落都幾整潔。\n\nBook 咗教練1對2一日5小時（￥1800/人）學snowboard（學ski 同價），1對1係￥2500，價錢合理唔貴。教練由入場開始就跟到足，幫手攞裝備，check 好裝備啱唔啱身，睇到唔啱幫手換，攞唔晒裝備會幫手攞，換好衫攪掂晒都半個鐘有多，不過呢D 時間係唔計入教學時間，真係會滑足5個鐘！\n\n朝早已經學到好多種基本功，教練一路跟到好貼，超有耐性又夠 positive，我每次跌低都完全起唔返身，要靠教練嚟救我😅（因為戴住龜龜保護同埋我個人又唔太夠力），我將對鞋套入雪板又非常 handicap，基本上每次都要教練幫手，佢成日都要跪響度教我同幫我，好細心！不過我食飯前基本上已經滑到，進度都唔錯！\n\nLunch time 因為入場嘅門票唔可以出入，只可以響場內食飯，教練仲幫我哋搵埋位先至自己出去食！下晝仲試咗去中級滑道滑落去，不過因為周圍嘅人都滑得頗快，滑完一次驚驚哋，我哋都係返去簡易滑道！學完一日5個鐘都已經掌握到基本技巧，如果學多一至兩次去外國滑雪應該都冇咩問題！（當然唔係難度高嘅滑道，同埋應該去到要再搵教練陪伴會安全D）\n\n今次學滑雪嘅體驗幾好，體驗人生事項中加多一個✅️。尤其係因為book 咗香港人教練，同聲同氣又夠細心耐性，大家有傾有講好開心，連零運動細胞嘅我都可以滑到，唔拖時間做到就教新嘢，完全感受到好教練嘅重要性，令我對室內滑雪完全改觀。我自己覺得1對2嘅學習係啱啱好，中間可以隔住休息唔會太攰，當然如果體力好嘅1對1會更加 intensive，而且唔係貴好多！如果想去外國或者日本韓國滑雪嘅朋友，我覺得平平哋先搵個香港人教練學咗基本功再去滑真雪會好好多，至少一定聽得明，因為就算我英文唔錯都未必聽得明晒所有嘅教學內容，即係個腦冇滑雪嘅 glossary，加上如果係去日本或者韓國，佢哋嘅英文對答都未必太流利，聽唔明指導會增加危險性呢！\n\n最後提提大家，滑雪記得記得要買包滑雪運動嘅旅遊保險，自從我5個月前去菲律賓小島遇上過意外整親對腳（詳情睇返我菲律賓小島村落體驗 post），真心覺得旅遊保險係有一定重要性，當然嗰次係我人生第一次 claim（雖然識我嘅都知道我脫離咗使用西醫系統有10年以上，不過旅遊保險唔算貴，都值得買個保障，其他保險產品呢，我就唔講啦🙃），至於揀邊間我冇推介，我又唔係收錢賣廣告 KOL，自己做 research 啦😂\n\n因為呢個 blog 嘅限制，唔可以夾雜相片同影片，想知我滑成點？可以去我 IG 睇～\n\n體驗感受 ⭐️⭐️⭐️⭐️\n🔍融創文旅城 - 熱雪奇蹟（廣州），中國\n追蹤我的IG：tracyloveliving \n香港人教練 IG：kobelai24\n\r\n #假期好去處 #室內滑雪場 #學滑雪 #香港滑雪教練 #廣州好去處 #室內滑雪\r\n\r\n(此文章由U Blog 同步發佈至社群)"},{"@context":"https://schema.org","@type":"DiscussionForumPosting","headline":"【融創文旅城 - 熱雪奇蹟（廣州）】｜中女學Snowboard 體驗","image":["https://cloudapp01.ulifestyle.com.hk/post/600-1-1-CR-1-RB-1/post_1713075742638.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742524.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742541.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742715.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742717.jpeg","https://cloudapp01.ulifestyle.com.hk/post/600-1-1-CR-1-RB-1/post_1713075742555.jpeg"],"datePublished":"2024-04-14 14:22:08+08:00","url":"/community/detailpost/7ddb882c-745f-441d-8488-dc9a927ad70d/打卡熱點/Tracy.Love.Living/157639","author":{"@type":"Person","name":"Tracy.Love.Living","url":"https://www.ulifestyle.com.hk/community/user_profile/157639/Tracy.Love.Living"},"text":"我一直都係一個「零」運動細胞嘅人，仲要係中女（連中年好聲音都參加得啦😂），雖然係咁，我都會試吓唔同嘅體驗。例如我完全唔識游水，都有跟教練學過幾堂 wakeboard，可以響水上滑行頗耐，又試過響浮羅交怡潛水、埃及紅海浮潛、沙巴玩激流、泰國玩各款水上活動，我都算心口有個勇字嘅～\n\n話說上一次 skiing，已經係大學時期跟旅行團去韓國雪嶽山，因為個團包玩 skiing 三個鐘，我自己響新手斜坡玩，都滑到落去，仲玩咗3次（因為滑咗落去要自己孭住2條雪板 + 2支手棍行返上斜坡勁攰，就唔玩啦）！\n\n今年年頭，忽然想去滑雪，新年時同朋友提起，佢哋話不如先搵教練學咗再去真滑雪場滑，我覺得頗有道理。朋友話上年帶過小朋友去廣州跟教練學，唔係太貴，對於我呢個寧願講英文都唔想講爛普通話嘅人嚟講，聽到之後本身都幾抗拒，尤其係我對於北上消費零興趣，因為我仲好記得6年幾前去北京上堂，當年我一個人搭的士去機場，被司機歧視我用現金嘅負面感覺，自此我冇再北上，亦完全唔會裝內地電子支付app！\n\n後尾朋友話教練係香港人，我嘅抗拒感減低咗一半以上，就決定跟朋友去試吓！呢個響廣州嘅室內滑雪場響花都融創，距離高鐵站要1個鐘有多嘅車程，我哋揀咗住響對面嘅酒店，雖然酒店有 shuttle bus，不過半個鐘一班，我哋行過去都係幾分鐘。\n\n滑雪場響一個大商場入面，需要自行購買入場門票（包滑雪衫褲、鞋、雪板同頭盔），頭套、滑雪手套同滑雪襪要自備，另外可以加￥30租埋保護墊同護膝，龜龜造型保護套裝外觀其實都幾攪笑得意，不過好重要，初次滑雪一定要租，因為向前向後跌都可以保護到，跌都唔會太痛，尤其我唔係18 22 又整親過膝頭哥，戴咗龜龜我自己就覺得跌嘅時候一D 都唔痛！\n\n個場都幾大，入場有一張卡，憑卡排隊攞衫褲同鞋，攞完再去另一個位攞雪板同頭盔，亦都有 locker，借嘢還嘢都要用卡。因為平日去，排隊大概10分鐘左右，唔算好多人。衫褲唔算太新，雪板、頭盔同鞋都okay 新，可以帶定消毒噴霧。佢有更衣室同廁所，重點係廁所唔係踎廁都幾乾淨，更衣室夠闊落都幾整潔。\n\nBook 咗教練1對2一日5小時（￥1800/人）學snowboard（學ski 同價），1對1係￥2500，價錢合理唔貴。教練由入場開始就跟到足，幫手攞裝備，check 好裝備啱唔啱身，睇到唔啱幫手換，攞唔晒裝備會幫手攞，換好衫攪掂晒都半個鐘有多，不過呢D 時間係唔計入教學時間，真係會滑足5個鐘！\n\n朝早已經學到好多種基本功，教練一路跟到好貼，超有耐性又夠 positive，我每次跌低都完全起唔返身，要靠教練嚟救我😅（因為戴住龜龜保護同埋我個人又唔太夠力），我將對鞋套入雪板又非常 handicap，基本上每次都要教練幫手，佢成日都要跪響度教我同幫我，好細心！不過我食飯前基本上已經滑到，進度都唔錯！\n\nLunch time 因為入場嘅門票唔可以出入，只可以響場內食飯，教練仲幫我哋搵埋位先至自己出去食！下晝仲試咗去中級滑道滑落去，不過因為周圍嘅人都滑得頗快，滑完一次驚驚哋，我哋都係返去簡易滑道！學完一日5個鐘都已經掌握到基本技巧，如果學多一至兩次去外國滑雪應該都冇咩問題！（當然唔係難度高嘅滑道，同埋應該去到要再搵教練陪伴會安全D）\n\n今次學滑雪嘅體驗幾好，體驗人生事項中加多一個✅️。尤其係因為book 咗香港人教練，同聲同氣又夠細心耐性，大家有傾有講好開心，連零運動細胞嘅我都可以滑到，唔拖時間做到就教新嘢，完全感受到好教練嘅重要性，令我對室內滑雪完全改觀。我自己覺得1對2嘅學習係啱啱好，中間可以隔住休息唔會太攰，當然如果體力好嘅1對1會更加 intensive，而且唔係貴好多！如果想去外國或者日本韓國滑雪嘅朋友，我覺得平平哋先搵個香港人教練學咗基本功再去滑真雪會好好多，至少一定聽得明，因為就算我英文唔錯都未必聽得明晒所有嘅教學內容，即係個腦冇滑雪嘅 glossary，加上如果係去日本或者韓國，佢哋嘅英文對答都未必太流利，聽唔明指導會增加危險性呢！\n\n最後提提大家，滑雪記得記得要買包滑雪運動嘅旅遊保險，自從我5個月前去菲律賓小島遇上過意外整親對腳（詳情睇返我菲律賓小島村落體驗 post），真心覺得旅遊保險係有一定重要性，當然嗰次係我人生第一次 claim（雖然識我嘅都知道我脫離咗使用西醫系統有10年以上，不過旅遊保險唔算貴，都值得買個保障，其他保險產品呢，我就唔講啦🙃），至於揀邊間我冇推介，我又唔係收錢賣廣告 KOL，自己做 research 啦😂\n\n因為呢個 blog 嘅限制，唔可以夾雜相片同影片，想知我滑成點？可以去我 IG 睇～\n\n體驗感受 ⭐️⭐️⭐️⭐️\n🔍融創文旅城 - 熱雪奇蹟（廣州），中國\n追蹤我的IG：tracyloveliving \n香港人教練 IG：kobelai24\n\r\n #假期好去處 #室內滑雪場 #學滑雪 #香港滑雪教練 #廣州好去處 #室內滑雪\r\n\r\n(此文章由U Blog 同步發佈至社群)"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-1-1-CR-1-RB-1/post_1713075742638.jpeg","creator":{"@type":"Person","name":"Tracy.Love.Living"}}]