稀有定番🐔雞冠 七里香

同朋友閒遊銅鑼灣不經不覺遊走到下一站天后，又到晚飯時間，响附近發現呢間日式居酒屋，門口望落好有氣氛，於是入去試下😋 店舖內有好多日本劇集懷舊poster，並播放著悅耳嘅日本歌，令人好易放鬆心情😃 🥢蕃茄汁刺身沙律$138 刺身有三文魚、吞拿魚、三文魚籽、蟹籽及八爪魚，刺身份量都幾多而且好新鮮，並配合沙律菜及清甜蕃茄酸汁，酸酸地好清新醒胃 🥢三文魚冰頭漬$68 呢個部位原來係三文魚頭 嘅頭鼻位中間之小軟骨，有豐富嘅膠原蛋白，薄薄一片晶瑩剔透，口感煙煙韌韌又爽口，酸酸甜甜，越食越開胃 🥢刺身五品盛$268 當日時令有三文魚、帆立貝、真鯛、赤蝦及間八，幾款刺身都非常新鮮鮮甜又好味，而當中我哋最鍾意嘅就係真鯛，肉質細緻綿滑，魚皮爽脆，味道清香清甜 🥢七裡香$62 呢款串燒個名好特別，坊間比較少見，其實係…雞patpat😝，咬一口油香四溢，咀嚼出滿口油脂嘅甘香 🥢雞冠$62 坊間又係比較少見嘅部位，外圍質地Q彈軟糯，內裡軟滑綿腍 🥢鹽燒白鱔$68 肉厚鮮甜，魚味濃郁，外皮香脆，肉質爽口彈牙 🥢野菜天婦羅$88 野菜有冬菇、茄子、南瓜、蕃薯及青椒仔，粉漿薄身香脆，冬菇彈牙菇味濃郁、蕃薯及南瓜甜香、青椒仔爽脆，而茄子軟腍綿滑，食落唔油唔膩 🥢一杯喜 秘の炒飯$98 一打開蓋非常熱辣，而且香氣撲鼻，當日嘅秘密原來係用叉燒炒飯；煲仔本身已經預熱，食到飯嘅焦香，同時又可keep到溫度，除咗叉燒仲有紫洋蔥、蛋碎及紅蘿蔔一齊炒，飯粒煙韌有口感，味道亦剛好 每逢星期二，七點半左右有駐場歌手表演，食下飲下聽下歌，確係唔錯 📍酒屋一杯喜 天后清風街1A-1B號美城花園大廈地下KL6號舖 #日式居酒屋 #天后美食 #酒屋一杯喜 #sakaya ippaiki #特色串燒 #串燒雞冠 #串燒七里香 (此文章由U Blog 同步發佈至社群)