中環抵食👍🏻高質lunch😋美式曲奇咖啡店

Friday梗係要嚟一個既chill又好味嘅午餐😎人氣美式曲奇店喺中環有cafe，午市會提供sandwiches ，All day breakfast同pasta，價錢非常合理。飲品方面亦有不少選擇。 🍴French Onion Grilled Cheese HKD78 讚👍🏻如果本身鍾意飲法式洋蔥湯嘅朋友應該會好鍾意。Sourdough🥪烘得香脆可口，香甜嘅洋蔥煮得軟腍同芝士一同入口就好似飲緊洋蔥湯咁。 🍴Creamy Kimchi Pasta HKD88 一坐底望到隔離枱嘅鮮橙色嘅pasta好吸精👀海量嘅泡菜加入蒜片同忌廉，酸酸辣辣好醒胃。意粉非常掛汁，一啖入口滿口泡菜忌廉汁，意粉帶少少煙韌口感啱晒我🥰份量絕對不少，細食嘅兩個人share都無問題👌🏻 🍴Tiramisu Latte HKD50 人氣飲品之一📸咖啡最頂層係軟滑嘅Tiramisu奶蓋cream，入口充滿Tiramisu嘅味道仲帶咖啡酒香，個人覺得係繼 Alforno嘅Tiramisu Latte後最好飲嘅一杯👍🏻 🍴Strawberry Cheesecake Latte HKD50 打卡飲品之一📸咖啡面層拉啡係帶有士多啤梨芝士蛋糕嘅cream，粉粉色好靚🥰飲落去真係好似食緊Strawberry Cheesecake，下層咖啡帶少少苦澀味，雙重口味。 簡單來說，中環來說性價比極高，絕對會再encore嘅一間cafe，唯一缺點係座位不算多，枱與枱之間相隔較窄。 IG: mochaholic.w #秋日推介#全民打卡企劃