[{"@context":"https://schema.org","@type":"Article","headline":"🌟荃灣聯仁街新開「夜燒站」$10 蜜糖燒賣勁好食！抵食！","image":["https://cloudapp01.ulifestyle.com.hk/post/600-960-1085-CR-1-RB-1/post_1718691892668.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691893297.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691893882.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691894338.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691894837.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691895304.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691895651.jpeg"],"datePublished":"2024-06-10 00:00:00+08:00","url":"/community/detailpost/74a7bb32-d024-4e3b-9d02-3ca3cb209da6/港式美食/芝芝生活中/712514","author":{"@type":"Person","name":"芝芝生活中","url":"https://www.ulifestyle.com.hk/community/user_profile/712514/芝芝生活中"},"text":"身為荃灣人知道聯仁街新開咗間串燒店，當然要試吓，因為我同老公最中意食串燒，但香港嘅串燒店普遍都比較貴，但呢間啲食物收費真係好抵食，丸類$10串，叫多幾串都唔心痛呀！而且佢地燒烤火侯掌握得非常好，調味剛好，食完唔會口渴，全部串燒都即叫即燒😋 熱辣辣！呢度調味咸辣適中，唔會淨得孜然粉味🤪🤪 原汁原味👍🏼👍🏼已經榮升我心目中荃灣串燒店第一位！！ \n\n\n因為勁好食，我地叫咗 2 round！\n\n未食先來一份免費的蟹籽沙律，可以邊等食物邊食，好貼心的服務！\n\n燒燒賣(蜜糖)$10、蜜糖燒芝士腸$10\n燒得剛剛好，外脆內軟，而且蜜糖香氣搽滿表面，真係食完好想再嗌多串！芝士腸又係燒得好惹味，表面脆目地，咬入去有少少爆汁，表面搽滿蜜糖！\n\n燒紅腸(蜜糖)$10、燒鴨胸(蜜糖)$18\n鴨胸表面烤得微焦，搽滿蜜糖，配合鴨胸油香同咸香味，好好食。食得出係靚貨嘅紅腸，呢間小店選料都好用心，用嘅材料都係偏高質，抵讚呀！\n\n燒四季豆 $14、燒牛油粟米 $12\n火侯掌握得剛剛好，粟米好新鮮，咬落勁juicy！\n\n鹽燒雞翼$22\n正所謂燒雞翼我中意食，所以食串燒係一定要叫既，而呢度既雞翼亦相當出色，唔會燒到好鞋口，仲充滿肉汁，諗起都流哂口水！\n\n鹽燒牛小扒$42\n又一串卧虎藏龍，牛扒勁多汁，咬落肉質好嫩，好好食。\n\n燒雞肉串$16、燒雞軟骨$15、燒雞皮$25、燒豬大腸$24\n邪惡之物，燒到條邊少少燶，食得真係好惹味！中意佢地處理肉類的方法，勁正！\n\n鹽燒五花腩$22\nEncore 叫咗兩次，五花腩d油香味勁正，超香，調味剛剛好，我加咗少少辣粉，好令人上癮。\n\n原條秋刀魚 $30\n魚肉都清洗乾淨唔會有腥味，滴幾滴檸檬汁，口感豐富又清新🐟🍋唔洗好花巧，就可以將食物整到好好味🤤\n\n炸魷魚鬚$46\n炸得卜卜脆，唔會炸得過火，表面灑面咗紫菜粉，勁好食，忍唔住食晒成盤！\n\n吉列煙肉芝士波$35\n呢個勁邪惡，煙肉配薯仔配搭完美，配埋芝士真係好好食。\n\n燒餃子 $12\n表面烤得脆，餃子多汁。\n\n其實佢地所有既串燒都異常地出色，仲食到食物既原味道，因為我真係好怕食材被調味到不似食物形，所以呢間係我心目中相當高分！一間你食完會上癮嘅居酒屋！\n\n夜燒站\n荃灣聯仁街18號地舖（爵悅庭、plaza88附近）\n營養時間： 16:00 - 00:00\r\n #燒烤 #荃灣聯仁街 #夜燒站\r\n\r\n(此文章由U Blog 同步發佈至社群)"},{"@context":"https://schema.org","@type":"DiscussionForumPosting","headline":"🌟荃灣聯仁街新開「夜燒站」$10 蜜糖燒賣勁好食！抵食！","image":["https://cloudapp01.ulifestyle.com.hk/post/600-960-1085-CR-1-RB-1/post_1718691892668.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691893297.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691893882.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691894338.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691894837.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691895304.jpeg","https://cloudapp01.ulifestyle.com.hk/post/600-960-1085-CR-1-RB-1/post_1718691895651.jpeg"],"datePublished":"2024-06-10 00:00:00+08:00","url":"/community/detailpost/74a7bb32-d024-4e3b-9d02-3ca3cb209da6/港式美食/芝芝生活中/712514","author":{"@type":"Person","name":"芝芝生活中","url":"https://www.ulifestyle.com.hk/community/user_profile/712514/芝芝生活中"},"text":"身為荃灣人知道聯仁街新開咗間串燒店，當然要試吓，因為我同老公最中意食串燒，但香港嘅串燒店普遍都比較貴，但呢間啲食物收費真係好抵食，丸類$10串，叫多幾串都唔心痛呀！而且佢地燒烤火侯掌握得非常好，調味剛好，食完唔會口渴，全部串燒都即叫即燒😋 熱辣辣！呢度調味咸辣適中，唔會淨得孜然粉味🤪🤪 原汁原味👍🏼👍🏼已經榮升我心目中荃灣串燒店第一位！！ \n\n\n因為勁好食，我地叫咗 2 round！\n\n未食先來一份免費的蟹籽沙律，可以邊等食物邊食，好貼心的服務！\n\n燒燒賣(蜜糖)$10、蜜糖燒芝士腸$10\n燒得剛剛好，外脆內軟，而且蜜糖香氣搽滿表面，真係食完好想再嗌多串！芝士腸又係燒得好惹味，表面脆目地，咬入去有少少爆汁，表面搽滿蜜糖！\n\n燒紅腸(蜜糖)$10、燒鴨胸(蜜糖)$18\n鴨胸表面烤得微焦，搽滿蜜糖，配合鴨胸油香同咸香味，好好食。食得出係靚貨嘅紅腸，呢間小店選料都好用心，用嘅材料都係偏高質，抵讚呀！\n\n燒四季豆 $14、燒牛油粟米 $12\n火侯掌握得剛剛好，粟米好新鮮，咬落勁juicy！\n\n鹽燒雞翼$22\n正所謂燒雞翼我中意食，所以食串燒係一定要叫既，而呢度既雞翼亦相當出色，唔會燒到好鞋口，仲充滿肉汁，諗起都流哂口水！\n\n鹽燒牛小扒$42\n又一串卧虎藏龍，牛扒勁多汁，咬落肉質好嫩，好好食。\n\n燒雞肉串$16、燒雞軟骨$15、燒雞皮$25、燒豬大腸$24\n邪惡之物，燒到條邊少少燶，食得真係好惹味！中意佢地處理肉類的方法，勁正！\n\n鹽燒五花腩$22\nEncore 叫咗兩次，五花腩d油香味勁正，超香，調味剛剛好，我加咗少少辣粉，好令人上癮。\n\n原條秋刀魚 $30\n魚肉都清洗乾淨唔會有腥味，滴幾滴檸檬汁，口感豐富又清新🐟🍋唔洗好花巧，就可以將食物整到好好味🤤\n\n炸魷魚鬚$46\n炸得卜卜脆，唔會炸得過火，表面灑面咗紫菜粉，勁好食，忍唔住食晒成盤！\n\n吉列煙肉芝士波$35\n呢個勁邪惡，煙肉配薯仔配搭完美，配埋芝士真係好好食。\n\n燒餃子 $12\n表面烤得脆，餃子多汁。\n\n其實佢地所有既串燒都異常地出色，仲食到食物既原味道，因為我真係好怕食材被調味到不似食物形，所以呢間係我心目中相當高分！一間你食完會上癮嘅居酒屋！\n\n夜燒站\n荃灣聯仁街18號地舖（爵悅庭、plaza88附近）\n營養時間： 16:00 - 00:00\r\n #燒烤 #荃灣聯仁街 #夜燒站\r\n\r\n(此文章由U Blog 同步發佈至社群)"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-960-1085-CR-1-RB-1/post_1718691892668.jpeg","creator":{"@type":"Person","name":"芝芝生活中"}}]