旺角【明記 • 潮鍋】海鮮火鍋 豐富又新鮮!

  晚市有三款海鮮套餐, 每位價錢由HK$238起, 我地揀咗HK$338/位「至尊海鮮套餐B」, 店員告知套餐中所包含嘅刺身本由日本入口, 但目前已暫停入貨, 改以「壓力蠔」取代。 壓力蠔: 將原隻未開嘅生蠔放入壓力煲中蒸煮, 再由店員協助開蠔, 可以完全保留住原有蠔嘅鮮味同海水味, 生蠔肥美鮮甜, 只為8成左右熟, 口感頗為滑溜, 蒸煮時間掌握不錯。 套餐跟指定火鍋湯底,  揀咗個幾特別嘅潮式鹵水湯鍋, 其中嘅八角香味較為突出。鹵水湯底唔會太重口味, 完全冇覆蓋海鮮本身鮮味。 隨後整個波士頓龍蝦海鮮盤一共十款, 以冰墊底上檯。 包括了鮮甜爽口彈牙嘅波士頓龍蝦 、鮮活鮑魚、蟶子王、大元貝, 而當中六款廚師發辦海鮮: 青口、白鱔片、沙白、花蛤、馬刀貝、基圍蝦。 基圍蝦雖然有竹簽串住, 但蝦腳仍生猛郁動, 非常新鮮! 沙白、花蛤鮮甜冇沙; 白鱔片爽彈有鮮味。 部份火鍋配料都設有套餐優惠價追加: 【手切牛肉】HK$138 每片牛肉脂肪比例各佔半, 肉味超濃郁, 食起黎有嚼勁。 【雲吞王】HK$55 每粒雲吞中, 豬肉餡料中都有原隻大蝦, 鮮甜爽口, 非常足料!  【粟米】HK$38 雖然算不上清甜多汁, 不過配鹵水湯底, 又出奇地夾。 【特大杯熊仔檸檬茶】HK$28 實物真係超大杯!! 熊仔冰置頂, 啱哂打卡之餘, 熱辣辣打邊爐邊飲, perfect! 【竹蔗茅根汁】HK$10 餐廳自家製, 味道清新清甜, 啱哂打邊爐清熱解膩。 茶位$12/位 小食$20 . 明記 • 潮鍋 旺角通菜街1A-1L號威達商業大廈3樓3B室 . 其他平台: Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/keresawong She.com: https://blog.she.com/keresawong/ 小紅書: https://www.xiaohongshu.com/user/profile/5b230759e8ac2b524de93a5e ESDlife: http://wow.esdlife.com/keresawong Weibo: http://weibo.com/keresawong #香港 #旺角 #hongkong #美食推介 #香港人 #香港美食 #hkblogger #foodie #hkfoodie #海鮮火鍋 #美食分享 #食評家 #香港食評 #旺角火鍋 #旺角打邊爐 #hk (此文章由U Blog 同步發佈至社群)