泰國人氣餐廳 -Bubble in the forest

Bubble in the forest 同 After the rain coffee & gallery 其實好近 ,所以我建議可以係同一日去~🤪 雖然近,但行唔到過去架!我地都係call bolt ,94泰銖,大概15分鐘就去到架啦😚 After the rain coffee & gallery 主要係食輕食,而Bubble in the forest 係食主食,所以唔怕會食得好飽好飽食唔落咁😆 因為之前有搵包車服務,加上上網話唔Book位有機會等好耐🥹為左唔好寧肥仔感到不安同煩燥🙊所以預先委託咗包車公司幫我匯款訂位😚訂金係每位300泰銖,訂金可以直接於當日消費嘅時候抵銷,而搵包車公司幫我匯款亦會收返手續費 而我當日嘅經驗係,我去到嘅時候門口真係好多人等位,可能因為係星期六嘅關係!所以去到嘅時候可以就咁直入感覺真係好爽😆最重要係訂位可以預先揀自己想坐嘅位置😚 當然有朋友講過話佢哋冇訂位都好快有位,所以可以依照自己實際情況而決定😙 餐廳總共分四個部份,包捨Building, Swing , Bridge 同埋Bar Zone 🔸 Building 一共兩層,上層係有個網可以俾你瞓出去打卡,亦都係最多人影相嘅位置😚我就係Book左哩個位😗 (圖3 & 圖4) 🔸Swing 獨立嘅屋仔位,旁邊會有一個千秋俾你坐上去打卡 🔸 Bridge 係喺湖中間橋嘅位置旁邊嗰啲圓形座位,當日唔見有人坐呢個位,因為佢都會比較熱,大部份人都只係喺度影相留念 (圖1 & 圖2) 🔸 Bar Zone 酒吧區係室內部份,雖然環境比較普通,但係勝在有冷氣提供😆 至於食物方面,都係一般泰國餐廳會食到嘅嘢,味道正正常常,價錢亦都係度假區嘅收費,除咗需要10%服務費,另外需要俾7%嘅稅收🙃 另外喺網上睇到資料係,如果你唔需要響餐廳內用餐,而又想喺入邊影吓相打吓卡,你可以淨係買一杯嘢飲,然後響場內打卡影相😙 所以我哋食食吓嘢嘅時候,旁邊都會有一啲人上嚟影相,影完之後就離開😂不過我自己覺得如果時間許可嘅話,坐低食埋嘢慢慢chill都係一個唔錯嘅選擇😌 #求好旅友#想飛賞飛#生活足跡#好去處#泰國攻略