輕鬆行🥾畢架山>大圍 2.5hr🕜

🚍巴士坐到畢架山花園站🚏向前行少少經過啲豪宅就可以開始行程，上一段樓梯就有個亭同充滿歷史感嘅水務局設施。一向沿油柏路行，見到有唔少人專程去取山水🏞。行咗一少段，我哋取山路，快啲之餘，沿途都好易行，部份路段仲有啲其他山友設嘅扶手。上到高位可以喺大石🪨上眺望成個九龍繁華嘅風景🏙。一路行地上有好多白色嘅山茶花，好唯美，好有秋日氣氛。好到九龍坳涼亭，可以選擇繼續挑戰🦁獅子山，或輕輕鬆鬆行去大圍方向。差不多去到路程尾聲，可以選擇去望夫石打卡，或取最快路徑落隧道方向，一出已經喺公路，有燒烤場有洗手間有水機，仲有巴士直達各區，又或者選擇去圍方食啲哂都好近。全程2.5個鐘🕜，輕輕鬆鬆。 #全民打卡企劃