有生酮餐有貓玩既cafe

一直知道觀塘有間有生酮menu既餐廳 終於有機會同老公去試吓啦 原來呢度有貓貓 仲可以入去同貓玩架 裝修係帶點少女心，有d花既裝飾 淺粉紅色既梳化 仲有d board game可以坐耐啲玩下 我揀左意式牛肋條＋椰菜花飯 $98 +$18要杯dirty 我老公就揀咗鹽酥雞粒便當$45 +$15朱古力特飲 再加個生酮甜品 開心果芝士豆腐奶凍 $58 老公個鹽酥雞粒便當好吸引，有肉燥，滷蛋半隻，椰菜，同鹽酥雞粒 鹽酥雞粒好鬆脆 好好味 有肉汁架🥰老公都話好味清曬 我既牛筋條都煮得好淋 有蕃茄洋蔥調味 酸酸甜甜好開胃 椰菜花飯食得落有心思去調味 有蛋香 仲有d秋葵增加口感 都幾健康 最後個開心果味芝士奶凍好香芝士同杏仁奶味 配埋開心果cream增添滑滑既口感 又唔會太甜 老公食左好 話好好味😋 Dirty咖啡係nutty香 啱我 都幾大層次 老公話杯朱古力都幾濃味 配埋d cream幾香滑 今日有啲趕唔夠時間同貓貓玩 期待下次再去 Simp.lane (觀塘) 觀塘駿業里6號富利工業大廈11樓C號舖 #全民打卡企劃