咁耐冇得飛台灣🫠真係連台灣陣味都唔記得咗啦 聽講呢間真正由90 後台灣女生主理 部分食材仲要店主親自挑選台灣出產 做到真真正正嘅臺式味道 當然要去一訪 ❣️酒香花雕麻油雞麵 $72 索一索花雕味撲鼻 台灣有自己獨特嘅花雕酒加啲台灣黑麻油 溫補不躁延緩衰老 麵底就係台灣嘅陽春麵 仲有雞肉 杞子 蟲草花 薑片 相當足料😆陽春麵經過蒸煮之後超入味 係香港想體驗台灣人冬天嘅日常真係冇乜邊度有 ❣️古早味炸豬排 $64 + 滷肉飯 $12 外層炸皮比一般深色 問左店主原來係用左台灣烏醋 豉油 五香粉同一啲中藥香料磨成粉 再醃製塊扒 仲要專登揀帶骨位置 保留返啲骨香嚼勁😛 跟餐個滷肉飯面頭啲滷肉少胖膏食落好實在 色澤濃郁 唔會死鹹反而帶甘口 原來醬香甘甜係台式滷味嘅特色嚟㗎喎😍 ❣️最佳拍檔 $66 呢一種拼盤share啱曬 有齊鹽酥雞同香腸 將無骨雞脾肉炸成一嚿嚿鹽酥雞 微微帶蒜香🧄連埋配菜九層塔一齊食 肉汁充滿成個口腔 難怪可以日賣100份 行過真係可以買一袋當零食晒試吓🫶🏻 香腸則採用台灣台畜公司產製嘅溫體黑毛豬香腸 正宗食法用蒜片夾住香腸 十足漢堡包咁食就啱啦 蒜片炸過味都冇生蒜咁濃烈 但完美地增添香腸嘅口感😋 ❣️正宗台南蝦卷 $42 係我哋唔知應該揀邊樣小食好嘅時候 店主推薦呢個每日限量供應空運直送嘅炸蝦卷 脆皮嘅外層包住蝦肉 再點啲酸辣醬 忍唔住食完一條又一條🥰 ❣️珍珠烏龍 $14 跟餐嗌一杯珍珠奶茶🧋呢個價錢都幾抵 珍珠比較淋 好易入口 唔使用太大力去咬 ❣️蒟蒻球綜合水果茶 $14 係難得可以調節甜度嘅水果茶 唔似出邊嗰啲fixed 食咗咁多濃味嘢最後飲呢個夠晒fresh🍹 - 🫧饞。台式食堂(廈門街) 灣仔廈明街31號地舖