絕美維港view🏙尊尚日本菜⛩午市套餐第二客半價

位於isquare 1️⃣8️⃣樓嘅割烹櫓杏🎎係isquare嘅尊尚食府之一，坐擁維港靚景🏙依家餐廳做緊推廣，午市套餐第二、四客半價。午餐有好多選擇，魚生🐟壽司🍣魚生丼🍚黑毛和牛🐂吉列牛🐮天婦羅🍤鰻魚、燒魚....應有盡有。最平💲1️⃣8️⃣8️⃣起。我哋一行四人👯🏻‍♀️👯🏻‍♀️叫咗4️⃣個💲2️⃣9️⃣8️⃣嘅餐（因為平啲嗰客半👵婆仔如我當然叫同價錢嘅餐就慳最多啦🤑）。除咗主食，每個餐仲有前菜、沙律🥗、茶碗蒸🥚、麵豉湯🥣、白飯🍚同小甜品。店員安排我哋坐房，自成一國。魚生新鮮🐟壽司餐🍣配天婦羅🍤同烏冬🍜有海膽壽司同三文魚子壽司，誠意十足。吉列牛餐🐮每日限量5️⃣客（某啲其他餐都係），所以訂位有留定，質素都好唔錯。熊本黑毛和牛「和王」餐🥓同樣係限定5️⃣客，可以選自己燒或廚房燒好先上枱，我揀咗自己燒，自己燒係會有啲彈油嘅，但好玩🤪店員會好緊張一路提醒教路，牛肉好嫰滿帶脂香😋。不限時，可以慢慢坐直至🕒三點落場時間。用埋商場現金券，人均二百頭就嘆到高級日本料理⛩正到爆！ #一齊飛