《生日飯必選❤️‍🔥超難忘睇住表演食鐵板燒👨🏻‍🍳》

一月趁姐姐生日🎂同佢食咗我哋人生中最貴嘅一餐慶祝吓❤️‍🔥唔單止食材新鮮又好食,師傅仲全餐飯不斷表演️👨🏻氹得姐姐勁開心❣️儀式感滿滿嘅一餐姐姐食得勁開心🥰 絕對值得納入#草根私心收藏 . 📍富士見・鉄板焼コース(二人前) 𝑭𝒖𝒋𝒊𝒎𝒊 𝑻𝒆𝒑𝒑𝒂𝒏𝒚𝒂𝒌𝒊 𝑺𝒆𝒕 (𝑭𝒐𝒓 2 𝑷𝒆𝒓𝒔𝒐𝒏) 個餐包咗前菜3款、沙律、刺身、4款海鮮(鱈場蟹/清酒煮帆立貝/龍蝦或鮑魚/當日海鮮)、1款肉、煮物、湯、炒飯或壽司、甜品。以4款肉類劃分為唔同價格,包括日本豚肉薄焼($3580 /2人)、美國牛肉、澳洲和牛同最貴嘅𝑨5 和牛($4080/2人)。 . 🔹𝑨𝒑𝒑𝒆𝒕𝒊𝒛𝒆𝒓前菜🔹 前菜分別係牛油果啫喱、水雲菜同最中餅。 . 🔸𝑺𝒆𝒂𝒔𝒐𝒏𝒂𝒍 𝑺𝒂𝒍𝒂𝒅季節沙律🔸 沙律加入好多堅果增加口感同香氣🥗 再淋上堅果汁🌰酸酸地勁好食! . 🔹刺身三款🔹 蜜柑鯛、平政魚、赤身3款刺身都柔軟但較淡味 . 🔸本日海鮮🔸 時令海鮮係法國白雪魚🐟,魚肉煎到外脆內軟 油脂豐富,配上香脆嘅蒜片更加好食🤘🏻 . 🔹鱈場蟹🔹 蟹肉鮮味又彈牙,配上蟹膏非常濃郁🦀 . 🔸清酒煮帆立貝🔸 珍寶𝒔𝒊𝒛𝒆嘅帆立貝用清酒煮過,食落熟咗啲,不過個湯好清甜 🔹龍蝦/澳洲鮑魚🔹 原隻龍蝦即時拆肉🦞,配上芝士同龍蝦膏,最後再加上板神秘製蝦汁,食落勁爽口勁香🧡🤤 . 🔸季節煮物🔸 海老芋湯葉蟹味道溫和,口感軟綿綿,係食肉之前可以𝒓𝒆𝒇𝒓𝒆𝒔𝒉一下 . 🔹𝑨5和牛🔹 肉類揀咁最貴嘅𝑨5 和牛🐃,同時有齊薄燒/厚燒,薄燒中間包住香蔥蒜,厚燒切成一粒粒,入口軟滑完全冇筋,肉汁豐富又有油香,超高質❤️ . 🔸漬物、湯🔸 用岩岩食嘅龍蝦殼煲麵豉湯真係香過平日嗰啲好多,飲完好暖胃 . 🔸高菜白飯魚炒飯或特選壽司二貫🔸 主食可以揀炒飯/壽司🍣,雖然壽司都好食,但私心建議一定要揀炒飯❗️師傅會喺你面前好似玩雜耍咁表演炒飯🤹‍♀️,娛樂性極高,手勢一流。佢仲加咗醃魚生同蒜片炒咗個心形飯俾姐姐❤️‍🔥,食落真係超香😍有𝒈𝒊𝒎𝒎𝒊𝒄𝒌又好食! . 🔹甜品🔹 最後有砂糖多士做甜品,口感勁香脆,食落好香焦糖味,配埋雪糕🍨更加正。 . 板神鉄板燒日本料理 銅鑼灣告士打道255-257號信和廣場1樓103號舖 . #草根食鐵板燒 #鐵板燒 #草根食在銅鑼灣 #銅鑼灣 #草根私心收藏 #日本料理 #Japanesefood

地址
板神鉄板燒日本料理 (銅鑼灣)
香港銅鑼灣告士打道255-257號Shop103
評分
5/5
下一篇載入中