【將軍澳 ✦ 🥢懷舊港式中菜館🇭🇰】

一直bookmark左《小神燈新派飯館》🔖🔖 今次終於約左將軍澳區既朋友一齊去食港式小菜🤩 餐廳走懷舊大排檔既風格，裝修充滿玩味🤣 除左配搭左五六十年代既吊燈，仲有多張懷舊風既海報、霓虹燈🤎 每張枱都放有舊式水壺茶壺🫖好有feel啊🥰 ❥ 奇脆脆皮豬手 份量有好多🤩皮脆肉嫩仲帶有煙燻既香氣🤤 咸度適中，又唔會太肥膩，點埋蜜糖芥末醬就更加好味😍 同埋佢已經切好晒，一啖啖肉食落口好方便！ ❥ 宮廷濃湯豬肚雞 好大煲雞湯😍足夠3-4人share食😋 雞湯味道鮮甜濃郁，湯中有雞、魚腐、豬肚，好足料👏🏻👏🏻 雞肉好嫩，豬肚同魚腐都盡吸湯既精華，飲完好暖胃🧡 ❥ 金沙鬼馬百花釀油條 呢碟超級邪惡🥹必須大力推介❤️ 油條新鮮炸起熱辣辣🔥外層鋪滿咸蛋黃，味道充滿鹹香，油條外層脆卜卜，內裡包住蝦滑，口感豐富～ ❥ 椒鹽烏賊裙邊 外皮好脆口😚烏賊裙邊爽口彈牙！ 鋪滿椒鹽同炸蒜😍勁惹味！ 份量好多，忍唔住夾完又夾🤭送飯食一流😛🍚 ❥ 哈哈哈大笑炒飯 炒飯堆到成座山咁高，大大碟😝 炒得夠香夠穫氣，食落好乾爽，粒粒分明！ 配料有蝦肉同蝦干，仲要勁足料，好推介呢個炒飯😍 📍 小神燈新派飯館 將軍澳調景嶺彩明街1號彩明商場2樓251-252號舖 #全民打卡企劃