瑪德蓮蛋糕 邪惡又好食

今日食咗1盒6款Madeleine貝殼蛋糕仔，整體都食到牛油香，而每一款都各有特色～ ▪︎鹹蛋奶黃 入面有鹹蛋黃碎粒，所以食到少少鹹蛋黃香味，不過擺多d，味道口感層次會更好 ▪︎Lotus焦糖餅乾咖啡 好重焦糖味，微焦嘅甘甜同咖啡嘅苦非常夾，食落唔會覺得膩，幾好食😍 ▪︎九鬼黑芝麻湯圓 好香芝麻味，入面有煙韌嘅麻糬，口感一流 ▪︎花生湯圓 除咗用上花生外，同上面嗰款差唔多，都係好味 ▪︎京都抹茶紅豆麻糬 入口就食到濃郁嘅抹茶味，微苦帶d回甘，配埋紅豆嘅甜同埋彈牙嘅麻糬，好食 ▪︎原味 好重牛油香味，簡單得嚟好邪惡好食😋 自己幾鍾意食瑪德蓮，佢地細粒可愛，兩三啖食一粒，好啱做下午茶，邪惡好味，減肥嘅嘢都係聽日先啦🙈 #cakeoftheday #Chill住食 #2023必玩必食