新加坡 Scentopia: DIY香水紀念品

有冇試過氣味喚醒美好回憶?喺Scentopia唔單止可以發掘新加坡嘅獨特氣味,仲可以自己整特別嘅紀念品! 一踏入門口就會感受到迎面撲來嘅陣陣芬芳｡行入去會見到琳瑯滿目､五光十色,代表唔同類型嘅香味｡ 員工會用心同你講解製作個人香水嘅過程｡首先需要填一份含有十條問題嘅性格測驗,根據你嘅分數可以找到適合自己嘅氣味類別｡ 每個類別嘅香味都有好多選擇㗎!柑橘味係黃色,清新味係藍色,花香味就用粉紫色代表,木香味係啡色,而東方香味就係紅色｡每一類都有24款味道,總共120款唔同嘅香味! 呢啲比例純粹係參考㗎,一般建議混合4-10款香水製出屬於自己最獨特嘅香水｡如果聞得厭咗可以sniff杯咖啡嘅香氣再重新開始 揀好自己心水嘅香味後記低佢哋嘅編號,就可以開始用精油去混合你揀嘅香味,試下混合出嚟嘅味道係唔係啱自己心水｡因為每個香味都係你親手揀嘅,所以混合出嚟嘅香水必定有唔同嘅層次同獨特嘅氣味,同埋一定係最適合自己又令人難忘嘅香水 整個過程唔使一個鐘就已經搞掂㗎,真係前所未有嘅美好體驗｡如果你有機會去新加坡,絕對唔好錯過Scentopia 📍 Scentopia 36 Siloso Beach Walk Wave House, Sentosa Island, Singapore 099007 💰 價錢 50ml - SGD95 100ml - SGD125 #想飛賞飛#ucreator#新加坡#新加坡好去處#新加坡自由行#新加坡旅遊#求好旅友