任食生蠔+高質精緻和食

早前同朋友去喜多嬉牡蠣屋食日本生蠔放日題，一直令我念念不忘🤤，近日有時間，約朋友再去食，質素依然保持高水準，$598+10%（🦪生蠔串燒放題），可以任食日本北木島喜多嬉生蠔、焗爐及焗帆立貝、串燒，另加$58可享生啤放題 💕酥炸牡丹大蝦 大大隻蝦炸得非常酥脆，連蝦蘇都炸到可脆可口，內𥚃肉質彈牙肥美 💕時令海鮮湯 由鮮蝦及大蜆，熬製出濃郁鮮甜嘅海鮮濃湯，用茶壺承載，兩隻茶杯仔，可以慢慢倒進小茶杯飲用 💕喜多嬉懷石八品 🌟打卡之選🌟一上枱已經嘩一聲，非常靚和精緻😍，店員教我們順時針享用，就可以由淡至濃享受成個料理，由味道清新淡味既伊勢海老羊羹、鮮嫩爽脆既愛知縣白象拔蚌刺身開始食起，再到我最愛的燒牛肉沙律、月見軟骨棒、茶漬飯和燒鰻魚，樣樣都好好食❤️，最後還有秋葵小食作解膩 🥳🎉無限追加🎉🥳 💕喜多嬉生蠔🦪、焗蠔、焗帆立貝(可選原味/蒜味/辣蒜味/芝士醬） 全部脹卜卜大大粒，好鮮甜厚肉，飽滿肥美又多汁，即使焗後仍然保持有鮮味和水份，滿滿鮮甜的海水味之餘，愛食焗蒜的朋友仔一定會好喜歡食這個，因為真係好多蒜 ，每食一口都有幸福感，最正是可以繼續追加，大大大滿足啊 💕時令串燒任食 非常高質，有雞腳筋串、雞頸肉串、翠肉瓜、雞腿肉串、豬頸肉串、雞心、七里香串、番薯仔串、羊肉串、雞中翼，串燒啖啖肉，好惹味，值得推薦 💕松葉蟹五島手延烏冬 原隻松葉蟹鉗擺盤，入口肉質鮮味，手拉式烏冬，口感彈牙而且好掛湯 💕甜品 北海道葡萄酒雪葩最中餅，雪葩甜而不膩，有助清新味蕾 💕汽水及梳打特飲任飲 有多款汽水、柚子梳打、白桃梳打、荔枝梳打、柑桔梳打