[{"@context":"https://schema.org","@type":"Article","headline":"深水埗高CP值西餐廳🍝","image":["https://video-playback.ulifestyle.com.hk/ul/converts/202310/784794/20231013/hls/post_detail_1697166715909.m3u8"],"datePublished":"2023-10-13 11:13:18+08:00","url":"/community/detailpost/56f946b8-7c0b-481a-bab7-20456a3316b4/西式美食/Kathovo/784794","author":{"@type":"Person","name":"Kathovo","url":"https://www.ulifestyle.com.hk/community/user_profile/784794/Kathovo"},"text":"唔知大家去深水埗搵野食會選擇啲咩呢？車仔麵？cafe？定掃街？下次嚟深水埗行完街買完野可以睇睇呢間西餐小店1968 Bistro，大眾化嘅價格但係都有返咁上下質素！呢間西餐廳喺正深水埗三太子及北帝廟隔離，再加上佢嘅小木屋風格裝潢，令到佢好突出🤣入面環境雖然唔算闊落但係都叫坐得舒服同埋有情調～\n\n午餐時間有Lunch Set Menu，大部分都$100有找🤩嗌咗個溫泉蛋卡邦尼意粉，睇落應該係餐廳嘅主打菜式，因為除咗我之外隔離左右都有唔少客嗌呢個！食咗之後都知點解咁多人嗌🥹，醬汁creamy之餘食到尾又唔會膩，再加埋溫泉蛋流出嚟嘅蛋汁滲入意粉，好食呀🥰不過隻溫泉蛋熟咗啲，如果蛋醬再流心啲就好了🫢\n\n另外跟餐可以加$28配Mocktail～嗌咗個青檸薄荷特飲，嚟到嘅時候畀佢嘅青綠色嚇親，不過飲落都舒服，涼浸浸，啱夏天嘅時候飲返杯消暑降溫☀️\n\nOverall係幾好嘅體驗～不過午飯時段都幾多人而且餐廳坐位都有限，想去嘅朋友可以先訂座☎️同埋唔建議好似我咁自己一個食，因為好多餐都好吸引，除咗意粉仲有薄餅同漢堡🥺🍔建議同朋友、或者拍拖嚟食，可以嗌多幾份試吓！\n\n✨Lunch Set 配是日餐廳/咖啡或茶，加$16配Movenpick雪糕，加$22配芝士蛋糕，加$28配Mocktail～\n✨餐廳坐位有限，人數多記住訂位～\n\n🍝1968 Bistro\n📍深水埗汝州街200號地舖\n\n#攻略 #社群時間囊 #社群相聚 #生活足跡 #2023日常 #熱門菜式 #食咗先講 #香港美食 #打卡美食挑戰 #hkfoodie"},{"@context":"https://schema.org","@type":"DiscussionForumPosting","headline":"深水埗高CP值西餐廳🍝","image":["https://video-playback.ulifestyle.com.hk/ul/converts/202310/784794/20231013/hls/post_detail_1697166715909.m3u8"],"datePublished":"2023-10-13 11:13:18+08:00","url":"/community/detailpost/56f946b8-7c0b-481a-bab7-20456a3316b4/西式美食/Kathovo/784794","author":{"@type":"Person","name":"Kathovo","url":"https://www.ulifestyle.com.hk/community/user_profile/784794/Kathovo"},"text":"唔知大家去深水埗搵野食會選擇啲咩呢？車仔麵？cafe？定掃街？下次嚟深水埗行完街買完野可以睇睇呢間西餐小店1968 Bistro，大眾化嘅價格但係都有返咁上下質素！呢間西餐廳喺正深水埗三太子及北帝廟隔離，再加上佢嘅小木屋風格裝潢，令到佢好突出🤣入面環境雖然唔算闊落但係都叫坐得舒服同埋有情調～\n\n午餐時間有Lunch Set Menu，大部分都$100有找🤩嗌咗個溫泉蛋卡邦尼意粉，睇落應該係餐廳嘅主打菜式，因為除咗我之外隔離左右都有唔少客嗌呢個！食咗之後都知點解咁多人嗌🥹，醬汁creamy之餘食到尾又唔會膩，再加埋溫泉蛋流出嚟嘅蛋汁滲入意粉，好食呀🥰不過隻溫泉蛋熟咗啲，如果蛋醬再流心啲就好了🫢\n\n另外跟餐可以加$28配Mocktail～嗌咗個青檸薄荷特飲，嚟到嘅時候畀佢嘅青綠色嚇親，不過飲落都舒服，涼浸浸，啱夏天嘅時候飲返杯消暑降溫☀️\n\nOverall係幾好嘅體驗～不過午飯時段都幾多人而且餐廳坐位都有限，想去嘅朋友可以先訂座☎️同埋唔建議好似我咁自己一個食，因為好多餐都好吸引，除咗意粉仲有薄餅同漢堡🥺🍔建議同朋友、或者拍拖嚟食，可以嗌多幾份試吓！\n\n✨Lunch Set 配是日餐廳/咖啡或茶，加$16配Movenpick雪糕，加$22配芝士蛋糕，加$28配Mocktail～\n✨餐廳坐位有限，人數多記住訂位～\n\n🍝1968 Bistro\n📍深水埗汝州街200號地舖\n\n#攻略 #社群時間囊 #社群相聚 #生活足跡 #2023日常 #熱門菜式 #食咗先講 #香港美食 #打卡美食挑戰 #hkfoodie"},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202310/784794/20231013/hls/post_detail_1697166715909.m3u8","creator":{"@type":"Person","name":"Kathovo"}}]