紅葉茶屋係來自日本嘅過江龍，本店位於鐮倉小町通，去過東京玩嘅朋友應該好熟悉呢個地方🤣 今次嚟到荃灣海之戀嘅分店食dinner，餐廳安排咗榻榻米座位，去日本旅行嘅感覺即刻返晒嚟😂 🔸豪華原條鰻魚茶漬飯 茶漬飯嘅湯底有幾個選擇，我揀咗清淡啲嘅鰹魚昆布湯，撈埋wasabi食真係好開胃👍🏻 鰻魚燒得幾好，食嘅時候要注意細骨⚠️定食有兩個小砵，一個係牛蒡絲，另一個係醃蘿蔔，兩款都好好味🤭 🔸和牛肉壽喜燒定食🐮 壽喜燒已經煮好晒，牛肉唔係全熟，唔會煮到好韌👍🏻 配料有齊豆腐、洋葱、菇等等，吸晒湯汁好惹味🤣 定食仲跟咗一隻溫泉蛋，我倒咗落白飯自己整TKG🤭 🔸 鎌倉紅葉茶屋抹茶提拉米蘇 呢款甜品應該係餐廳嘅主打，餐廳門口有大大個餐牌介紹呢款提拉米蘇，賣相好靚，用個木盒裝住🥰 我揀咗抹茶味，唔會太甜👍🏻 最近有期間限定甘の三味，提拉米蘇上面舖咗紫色嘅粉末，我諗應該係紫薯味，鍾意食嘅朋友一定唔可以錯過！ 🔸熱抹茶拿鐵 🔸冰雜莓&香橙紅茶 抹茶個賣相好正🍵 我好鍾意裝住石頭朱古力嘅紅葉碟仔，超靚🥰🥹 冰紅茶唔會太甜，杯底仲有新鮮果肉🍇🍊 📍#紅葉茶屋 (#荃灣美食) #荃灣 大河道100號海之戀商場3樓3012號舖 ➡️𝗙𝗼𝗹𝗹𝗼𝘄左我未啊😚跟住我去飲飲食食😎 吃是真愛❤️ @eatistruelove.hk 🌟 #秋日推介