可當餸或做小食嘅粟米

蒜蓉牛油粟米 ———————————————— 烹飪難易度（1為較易 - 5為較難）：1 烹飪時間：20分鐘 準備時間：10分鐘 材料：新鮮粟米2棵，蒜鹽半茶匙，蒜蓉1湯匙，牛油10克，菜油1湯匙。 製作步驟：粟米去衣去鬚，洗淨，按長度切成兩至三碌，再縱切一開四，芯嘅部分批走少許。中火燒熱鑊，落油，將切好嘅粟米炒一至兩分鐘，務求粟米嘅表面沾上食油，𢳂起轉到焗盤上排好，放入焗爐底面火用250° c焗12至15分鐘。粟米再回鑊，加入蒜鹽、蒜蓉、牛油快速兜炒，令調味均勻黐住粟米。見粟米夠焦夠彎即可上碟。 烹飪貼士：（1）原本係椒鹽粟米但係因為我冇嗰啲材料，但蒜蓉牛油係百搭嘅。（2）如果有大量蒜頭同埋辣椒，整避風塘粟米會更加香口。（3）如果想改成西式風味嘅可以改用紅椒粉同卡宴粉，食嘅時候加檸檬汁/青檸汁都可以。（4）如果你有氣炸鍋，所有動作改喺氣炸鍋度進行，仲方便。