【大埔區】【鮨一日本料理】

【大埔區】【鮨一日本料理】大埔係一個人傑地靈嘅好地方,餐廳嘅質素普遍都高。所以第一次同上司羶鹵獅食飯,都揀咗嚟呢區,穩穩陣陣搵咗間日本嘢嚟試一試佢。一嚟就整兩隻「日本真蠔」畀羶鹵獅試吓,$136 嘅價錢,羶鹵獅佢話好食就得啦。 跟住嚟咗份 $288 嘅「象拔蚌刺身」,都食到佢舔舔脷,的確係鮮味足、口感嫩。而 $98 嘅「甲羅燒」佢居然第一次食,我就唔係,我覺得幾鮮幾濃味。跟住兩款主食,$98 嘅「鰻魚炒飯」同 $65 嘅「燒雞扒烏冬」都唔錯喎。 我都同羶鹵獅講我唔太好米飯,但呢個炒飯我都好快爬晒,個烏冬都好順滑好正。跟住試啲串燒,分別係 $32 嘅「豚肉露筍卷」、$18 嘅「燒日本青椒仔」同 $18 嘅「燒鮮冬菇」,三款都香口得嚟保留到食物味道,幾好。 最後食 $26 嘅「日本芝士蛋糕」同 $28 嘅「抹茶蕨餅」做甜品,都做到一個唔錯嘅終結。嘢飲方面我飲 $28 嘅「巨峰梳打」,羶鹵獅飲 $28 嘅「熱情果梳打」,濃得嚟唔會過甜。埋單 $949,又生蠔,又象拔蚌,上司開心,掂晒。。。 (地址:大埔翠怡街3號翠怡花園B座16號舖) #1amfoodie#foodie#hkfoodie#thatfoodiething#hkfood#food#instafood#yummy#foodlover#foodies#globaleats#followforfollowback#love#eat#1am大埔區#大埔#太和#鮨一日本料理#日本料理#象拔蚌刺身#日本真蠔#甲羅燒#燒雞扒烏冬#豚肉露筍卷#燒日本青椒仔#燒鮮冬菇#鰻魚炒飯#日本芝士蛋糕#抹茶蕨餅#巨峰梳打#熱情果梳打#1am1128#1ambackup

平均消費
HK$0
地址
鮨一
香港大埔大埔太和路翠怡花園B座
評分
5/5
下一篇載入中