北上慶生推介 | 日式餐廳「摩打食堂」生日歌表演好多嘢送！

上星期我哋北上同和牛b慶祝生日,大家都知大陸嘅海底撈有唱生日歌服務,但其實仲有其他餐廳,都有呢類免費服務! 我哋今次去咗一間日式餐廳食午餐｢摩打食堂｣,就巧遇呢個免費服務｡坐低之後店員問我哋,是否需要慶生? 原來呢到都有呢個慶生服務,真係好驚喜!首先小朋友已有免費粥仔一碗,生日慶祝就係有3位哥哥､姐姐著住造型衫,開大喇叭好熱情咁載歌載舞舉住Banner唱生日歌｡仲有生日壽包(紅豆餡)､抽扭蛋攞小禮物! 餐前附上前菜,飯後又送上幸運曲奇｡ 餐廳Menu 款式都好啱港人嘅口味,有壽司､刺身､丼食､鍋類､拉麵等｡ 我覺得呢到都幾抵食,因為小朋友一人一碗免費三文魚粥仔､免費Pop Corn連果汁,仲有小貼紙送｡ 同埋嚟到的話,一定要話佢哋嘅蜜瓜茶,真係好好飲呀! 每次北上都有小驚喜,講真點會唔上癮呢…… 【 摩打食堂 】 深圳福田區皇庭廣場1層 (會展中心站) 記得關注我哋,留意最新玩樂景點呀~ https://www.facebook.com/80smami/l http://www.instagram.com/wagyubmami https://www.youtube.com/@Wagyubmami/ #北上好去處 #北上慶生#深圳美食#bestfoodwithucreator