蘇媽蘇媽而家開咗幾間分店，淨係試過始祖店深水埗分店，今日嚟到沙田，見好耐冇食過又好想飲肉骨茶，就一於坐低食少少嘢。沙田店同深水埗嘅分別就係時尚好多，而且啲座位都好闊落坐得舒服，深水埗就走傳統馬來西亞路線。 食馬來西亞嘢一定要點肉骨茶，叫咗個細雜錦，肉嘅份量有好多，一字骨🦴豬腳灣、五花肉都有🐖而且仲有豬肚、冬菇、腐皮，材料好豐富，隱隱約約飲到藥材味好香，好潤喉唔會好刺激，同埋真係好大碗，兩三個人分享都可以。 另外叫咗招牌砂煲老鼠粉，佢嘅配料都好特別，有魚乾仔、豬油渣、肉碎、蝦米、香蔥、蛋，上菜時都有個火熱砂煲，我哋可以撈勻啲材料，覺得夠熱就可以熄火。老鼠粉即係銀針粉，味道好濃郁好惹味，加埋咁多材料，口感十分豐富，都幾推薦！ 難得嚟到都要叫返杯特飲，我哋要咗椰汁斑蘭冰，虎咬獅，虎咬獅比較特別都係第一次聽，原來係美祿加白咖啡，甜甜地有少少似香濃朱古力咁。 🔸招牌砂煲老鼠粉 🔸細雜錦肉骨茶配油炸鬼 🔸椰汁斑蘭冰 🔸虎咬獅 📍#TOSS蘇媽蘇媽(#沙田美食) 沙田沙田正街18號新城市廣場一期1樓107號舖 ➡️𝗙𝗼𝗹𝗹𝗼𝘄左我未啊😚跟住我去飲飲食食😎 吃是真愛❤️ @eatistruelove.hk 🌟#食勻全世界