2023/11/09

以手打烏冬聞名既山本屋係圍方開咗啦!

來自日本名古屋既山本屋係大圍圍方開咗啦!歷經百年時光,傳承至第五代,於香港設首家海外分店,收工時間經過餐廳次次都見到有長長人龍排隊,難得今日早收工,即刻去試試先! 以手打烏冬聞名既山本屋,堅持以傳統手打技法,全人手正宗製作新鮮烏冬,以濃郁、香味、彈口聞名,知名度遍佈全日本! 親子煮烏冬 湯底有三款口味選擇:老店傳統味噌、黃金鰹魚清湯、招牌咖喱,今次試咗黃金鰹魚清湯,湯頭鮮甜味香,散發香濃鏗魚味道,口感醇厚~每款烏冬鍋已預先配有蔥、流心蛋、腐皮,大推滑溜香甜、索滿湯汁既腐皮,我今次仲另外追加咗泡菜,清脆爽口,微辣特別開胃!親子即雞件,無骨啖啖肉好彈滑~主角之一既烏冬口感彈牙兼有嚼勁,煙煙韌韌好有咬口! 美國安格斯牛肉煮烏冬 用特製砂鍋呈上,令全程都可以保持熱度~美國安格斯牛肉牛味香濃,完美脂肪比例,柔軟嫩滑~同樣選擇黃金鰹魚清湯,香濃醇厚超滋味~除原有蔥、流心蛋、腐皮,再另外加配蔥、豚肉,豚肉軟身多汁、肉質細膩甜美,有彈性又緊緻!烏冬粗壯結實,爽滑口感佳! 冷豆腐 面頭鋪滿柴魚,冷豆腐柔軟嫩滑,啖啖豆香,清新健康~ 三品菇類盛 天婦羅炸漿酥脆輕盈,菇類清香,沾以特製醬汁,提升味道層次。 蝦天婦羅 皮衣酥脆,包裹裡Q彈蝦肉,一口咬下,口感外酥內軟。 炸雞皮餃子 用雞皮取代傳統餃子皮,金黃酥脆賣相吸引~內餡軟嫩多汁,調味適中。 燒地雞手羽 醃得入味,肉質非常有彈性,外脆內滑超惹味! 無糖烏龍茶、完熟水蜜桃梳打 飲品都幾多選擇,推介完熟水蜜桃梳打,濃郁桃香配舒爽梳打,解膩又解渴。 山本屋 (大圍) 📍大圍車公廟路18號圍方5樓527號舖

評分
4/5
good
Nice
下一篇載入中