2024/01/31

【銅鑼灣美食💛】希雲街Peek-A-Chill 開揚泰菜超高質 黃金地段親民價錢 78蚊起有交易 CHILL爆足料好味道!

銅鑼灣希雲街一帶,一路都好多好嘢食,呢間喺街頭、新開嘅「Peek-A-Chill」,你又試過未呢?如果喜歡我們的文章,緊記要讚好和追蹤我們的粉絲專頁喔! 🔖Facebook: 揀飲.簡食記 🔖MeWe:  揀飲.簡食記 🔖Instagram: kansbestpick 📹Youtube: 香港生活台 【揀飲.簡食記全新會員系統 BEST CLUB,立即加入獲取更多獨家優惠 !】 聽呢個店名,就即使醒起同一條街、主打夏威夷魚生飯嘅「PEEK-A-POKE」。原來呢間「Peek-A-Chill」就係佢哋嘅姊妹店,不過就走完全唔同嘅風格-裝修好開揚,木系嘅裝修加埋好多植物,營造出幾warm嘅感覺! 連啲窗都好似去咗外國咁樣,全部都係向上推開,有吧檯亦都有普通嘅座位。小編就鐘意佢哋窗邊嘅高檯上面,可以邊食邊睇住出面繁忙嘅街景,都咪話唔chill~ 午餐時間嚟到,SET BRUNCH 78蚊起就有交易,喺銅鑼灣黃金地段嚟講,都尚算親民!選擇都幾多,好似豬頸肉、船麵、pad thai、水門雞飯,就連蟹肉炒飯、泰式炒河都可以食到!跟餐加8蚊就有嘢飲、亦都可以加配唔同小食,好似辣魚餅、串燒、醃魷魚筒,連醃東風螺都有,真係好癲!落單就自己QR code落搞掂,唔使下下等店員~ 香葉肉碎煎蛋飯 每次去親新嘅泰菜餐廳,小編都係試佢嘅香葉肉碎飯。除咗係因為個人鐘意食之外,最重要係試到店家嘅誠意,因為呢個飯雖然係好易整,但係要整得好食,同埋足唔足料,就好易見到店家嘅質素同埋誠意! 呢間嘢嘅出品就真係幾合乎要求啦!免治肉碎唔會太肥或者太柴,用上四季豆、辣椒仔加埋九層塔葉炒成,食落有油香辣辣哋真係超級惹味!連隻煎蛋都做到燶邊香脆,蛋黃剛剛熟!個擺盤又靚,成個package真係好加分! 再加埋啲脆炸豬皮食,煙韌又脆口,真係好爽! 餐飲-青檸梳打 用泰象嘅梳打水,自己倒入去金屬杯度,由於真係由雪櫃拎出嚟,真係好L凍,尤其天氣涼少少,真係透心涼出嚟! 今次小編就只係試咗個lunch 估唔到個quality會係咁好~
你又有冇試過喺度食夜晚呢? 不妨同小編分享吓你嘅食後感! 如果喜歡我們的文章,緊記要讚好和追蹤我們的粉絲專頁喔! 🔖Facebook: 揀飲.簡食記 🔖MeWe:  揀飲.簡食記 🔖Instagram: kansbestpick 📹Youtube: 香港生活台 【揀飲.簡食記全新會員系統 BEST CLUB,立即加入獲取更多獨家優惠 !】 ▌Peek-A-Chill  📍地址:銅鑼灣禮頓道128-138號希雲大廈地下4及5號舖 ⏰營業時間:早上11時30分至下午4時,晚上6時至9時45分(星期日休息) Instagram: peek_a_chill (此文章由U Blog 同步發佈至社群)

評分
5/5
Nice
❤️
下一篇載入中