貴得有道理 @ Sawadee Chef ( 大角咀奧海城 )

泰國菜經常會食到，但屋企附近多數係小店，就算幾出色，都係粉粉麵麵為主，想同一班朋友食飯就有點難度。 其實好多地方都有泰國菜館，好奇怪，大部分都好好食，而今次就同大家講下位於奧海城的 Sawadee Chef。 泰式炸流心蛋 流心蛋食得多，但炸既流心蛋又真係第一次試，但效果竟然好特別，外層不會太結實，內裡流心蛋漿熱辣辣，口感Q彈，配以醒胃醬汁，好味。 清萊白肉 望落仲以為係蒜泥白肉，但醬汁卻是以魚露、椰糖、羅望子及蔥花調製，食落又幾惹味喎。 泰國四角豆手撕雞 很清新怡人的口感，雞肉細嫩，而四角豆有點爽口，兩者拌在一起，卻沒有違和感。 辣椒膏炒花甲 經常都會食到的菜色，加入了金不換令香氣更豐富，花甲選得好，沒半點砂，甜辣夾雜，如果有麵包，最好用來蘸點醬汁。 泰式青檸蒸龍躉球 很有趣的組合，置底的似是中式的老少平安，內裡有蔥花、魚肉、豆腐及芫荽，最重要係無碎骨，而龍躉球以青檸去蒸，多了一份清香，而魚肉保持嫩滑。 椰香胡麻子烤雞 烤至雞皮呈金黃色，肉質又不覺老，而且散發出陣陣椰香同胡麻子的味道，送啤酒一流。 清邁咖喱雞腿麵 選用了本地雞，仲要係脾位，可以話啖啖肉，而且用上泰國全蛋麵，有嚼口之餘仲好掛湯，辣辣地又香口，超正。 地址 : 大角咀海庭道18號奧海城2期地下G21-G23, G25-G27號舖   電話 : 2881 8803   味道 : 4  環境 : 4  服務 : 4  衛生 : 4  抵食 : 4  位置 : 4   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #泰國菜 #大角咀 #奧海城 #美食焚化爐 (此文章由U Blog 同步發佈至社群)