希爾頓大廈 2024/05/15

【尖沙咀】打卡一流,食物仲要超高質✨

因為我同媽媽母親節都忙,所以依家先有時間補祝母親節,今次就揀咗依一間不單止環境好,食物仲要超級正的鐵板燒 他們最近做緊推廣,有全日指定清酒免費任飲(因為媽媽唔飲酒,所以只有我一個人獨享)今日呢一款清酒,飲落唔會太過辛口,配埋鐵板燒一齊食剛剛好;另外惠顧午市套餐,均可以優惠價$80換購日本海膽杯(但因為我實在太飽所以冇叫到) 而今次我哋揀咗午市套餐(星)一人前,唔好以為$380好少野食,我同媽媽兩個人食到超級飽 午市套餐(星)一人前 $380 推薦指數💥:🌝🌝🌝🌝🌝 沙律 沙律菜好新鮮,食落好爽脆,而且仲加左少少海菜,口感好特別,整體感覺開胃 食緊沙律嘅同時,師傅就會將食材放喺我哋面前俾我哋打咗卡先,之後就會開始處理 大蝦 師傅用鹽同胡椒簡單調味,都係已經好足夠,肉質好彈牙爽口 汁煮白鱈魚 配咗個洋蔥湯(首先師傅會炒香啲洋蔥,然後加入去個高湯到一齊加熱),雖然洋蔥味超濃,但係一啲都唔辛口,類近法式洋蔥湯,但味道上會再平和啲 師傅會將個魚皮分開煎炸,一開始可以先食咗個魚皮先,因為放耐咗便腍就冇咁好食,而魚肉超級嫰滑,一啲都唔腥,配合洋蔥湯一齊食,唔會太重口味,但也不需要再額外調味 帆立貝 師傅會首先煎香兩邊,食落帶少少外脆內軟,再配上黑魚子,帶點鹹香味道一絕✨ 肉類方面可以選擇美國牛肉厚燒、日本黑豚肉和美國牛肉薄燒(我哋都係揀咗美國牛肉薄燒) 我今次就揀咗五成熟,牛肉仲保持到鮮嫰,但又會帶少許焦香,中間卷嘅蔥蒜令到食落超級惹味,而且怕太過油膩的話,可以配旁邊的芥末醬一齊食,中和油膩感 另外旁邊炒熟嘅羽衣甘藍,味道幾特別,有少少近似芥蘭,但冇咁苦澀 漬物 有我超鍾意食嘅牛蒡漬😋 湯雖然係普通的麵豉湯,但唔會太重口味,飲完個胃即刻暖返曬 櫻花蝦炒飯 每次食鐵板燒就算幾飽都好都一定要食炒飯,因為炒飯最可以反映到師傅嘅水準;呢個炒飯唔會炒得太乾身,仲可以食到粒粒分明嘅效果,調味剛剛好,唔會太重味,但食到櫻花蝦嘅香味,仲要加埋一隻煎蛋🤤篤穿咗隻煎蛋,等啲蛋漿同炒飯撈勻一齊,好正 最後有雪糕或者咖啡,因為我真係太飽啦,所以就叫咗杯咖啡,味道都唔錯 ✨整體來講,我同媽媽都覺得好正👍🏻佢哋除咗鐵板燒之外,仲有壽司吧有omskase,另外如果係想私隱度高啲,佢哋都有鐵板房可以book✨適合一大班人嚟食 📍螢火 地址💬:尖沙咀加連威老道96號希爾頓大廈LG樓1號舖 #日本菜#OMAKASE#ucreator#香港美食#打卡美食#hkfoodie#生活足跡#好去處#鐵板燒

地址
希爾頓大廈
香港尖東加連威老道96號
評分
5/5
唔捨得食
影得真係好靚
下一篇載入中