[{"@context":"https://schema.org","@type":"Article","headline":"烏斯懷亞住宿介紹","image":["https://video-playback.ulifestyle.com.hk/ul/converts/202508/869114/20250810/hls/post_detail_1754802106254.m3u8"],"datePublished":"2025-08-10 13:04:22+08:00","url":"/community/detailpost/3fefdfd0-1e98-4542-b3bd-6cb71a49ad4b/著數報料/Venus遊世界/869114","author":{"@type":"Person","name":"Venus遊世界","url":"https://www.ulifestyle.com.hk/community/user_profile/869114/Venus遊世界"},"text":"難得有網友想我講吓烏斯懷亞Ushuaia嘅住宿，即刻動手先，多謝支持呀🙏🏻\n預告一下寫完住宿，會順便寫埋飛Ushuaia嘅機票注意事項、機場出市區嘅交通、景點同餐廳。除非唔寫，一寫就一條龍😆\n\n烏斯懷亞簡介：\nUshuaia係阿根廷最南部嘅小城、世界上最南端嘅城市，因此有世界盡頭之稱，亦因為佢嘅地理位置靠近南極半島，只需要兩日幾嘅船程，因此係通往南極嘅門戶。\n\n點揀烏斯懷亞嘅住宿，有咩考慮因素呢？\n個人嚟講，會首先考慮地點，由於烏斯懷亞位於安第斯山脈嘅延伸部分，所以小城係建喺斜坡上嘅，愈近海地勢愈平，愈離岸就愈斜喇，所以唔想行咁多斜路，就揀近海少少嘅。\n另外San Martin街係市中心最主要嘅街道，住宿唔好偏離太遠，咁搵食、行街、去景點都會方便啲。\n如果你係準備上船嘅，建議睇返郵輪公司俾嘅資料，搵一搵存放行李嘅地點。因為係人還人上船，郵輪公司會另行處理乘客嘅行李，上船嗰朝係要將行李交去指定地點嘅。於是我直情揀喺同一條街，嗰朝就咁將件行李碌落斜路就搞掂喇。\n你可能會疑惑，機場到埗嗰吓唔需要就落車地點咩？！呢樣真係唔需要考慮呀，因為當地係冇機場巴士呢樣嘢嘅，所有旅客都係搭的士或者私人包車離開機場，因此係必定會喺住宿門口落車，詳情喺之後嘅機場交通度介紹。\n\n同我9年前第1次去Ushuaia相比，宜家多咗好多新嘅住宿，小城嘅面貌唔同咗，亦擴展咗。至於揀酒店好定apartment好，我會傾向後者。當然，無論揀邊樣都各有優劣嘅，好視乎個人喜好。\napartment嘅好處係有廚房、有洗衣機等，完全係屋企嘅設備，適合想自煮或逗留日數比較長嘅。缺點係你必須要喺入住前同個host聯絡，睇點攞房。\n酒店嘅優點固然係攞房嘅時間比較自由，亦無需聯絡，只要front desk開就得喇，不過唔係每間酒店都有24小時front desk，book嘅時候要留意喇。\n\n我揀咗片段裡面嘅呢間apartment，成幢大廈都係新起嘅，google實境到宜家都未見到呢幢大廈，仲show緊前身間平房。新嘢固然好，有𨋢呀😃我哋呢啲錫身中年，最怕遇到啲冇𨋢嘅樓，但外國真係好多都冇𨋢🙈新嘢係正呀！\n\n預訂方式及價格：\n間apartment喺booking.com度book，喺網站上顯示為\"Aunaisin - Apartamento con excelentes vistas\"。Aunaisin其實係當地一間出租屋公司，我揀嘅呢間係Aunaisin旗下其中一個出租單位。\n去年11月入住時為港紙900頭一晚，又大、又新、又靚、又乾淨、又喺市中心、外望山景同海景、設備齊全，真係超抵住🫶🏻\n\n攞房過程：\n宜家好多時唔會見到個host，多數係用msg俾指示攞房👍🏻但呢間公司係直接交匙俾客嘅😑見面交匙尚算準時，只係呢間公司有太多出租單位，我哋到嘅時候，剛好見到個職員被另一個客叫走咗，我哋大概等咗10分鐘，個職員先回頭，期間佢都有msg交代。\n職員表現都交帶嘅，帶我哋入屋後好努力嘗試用英文介紹設施。喺個職員走咗之後，我哋先發現沖涼房冇洗頭水，通知咗佢之後，佢會講大概幾時拎過嚟，都真係做到嘅，所以喺支援方面都唔錯👍🏻\n\n#烏斯懷亞住宿 #ushuaia #ushuaiaaccommodation #烏斯懷亞 #烏斯懷亞旅遊 #世界盡頭 #findelmundo #阿根廷 #阿根廷旅遊 #阿根廷住宿 #南極郵輪 #南極旅遊 #argentina #郵輪旅遊"},{"@context":"https://schema.org","@type":"DiscussionForumPosting","headline":"烏斯懷亞住宿介紹","image":["https://video-playback.ulifestyle.com.hk/ul/converts/202508/869114/20250810/hls/post_detail_1754802106254.m3u8"],"datePublished":"2025-08-10 13:04:22+08:00","url":"/community/detailpost/3fefdfd0-1e98-4542-b3bd-6cb71a49ad4b/著數報料/Venus遊世界/869114","author":{"@type":"Person","name":"Venus遊世界","url":"https://www.ulifestyle.com.hk/community/user_profile/869114/Venus遊世界"},"text":"難得有網友想我講吓烏斯懷亞Ushuaia嘅住宿，即刻動手先，多謝支持呀🙏🏻\n預告一下寫完住宿，會順便寫埋飛Ushuaia嘅機票注意事項、機場出市區嘅交通、景點同餐廳。除非唔寫，一寫就一條龍😆\n\n烏斯懷亞簡介：\nUshuaia係阿根廷最南部嘅小城、世界上最南端嘅城市，因此有世界盡頭之稱，亦因為佢嘅地理位置靠近南極半島，只需要兩日幾嘅船程，因此係通往南極嘅門戶。\n\n點揀烏斯懷亞嘅住宿，有咩考慮因素呢？\n個人嚟講，會首先考慮地點，由於烏斯懷亞位於安第斯山脈嘅延伸部分，所以小城係建喺斜坡上嘅，愈近海地勢愈平，愈離岸就愈斜喇，所以唔想行咁多斜路，就揀近海少少嘅。\n另外San Martin街係市中心最主要嘅街道，住宿唔好偏離太遠，咁搵食、行街、去景點都會方便啲。\n如果你係準備上船嘅，建議睇返郵輪公司俾嘅資料，搵一搵存放行李嘅地點。因為係人還人上船，郵輪公司會另行處理乘客嘅行李，上船嗰朝係要將行李交去指定地點嘅。於是我直情揀喺同一條街，嗰朝就咁將件行李碌落斜路就搞掂喇。\n你可能會疑惑，機場到埗嗰吓唔需要就落車地點咩？！呢樣真係唔需要考慮呀，因為當地係冇機場巴士呢樣嘢嘅，所有旅客都係搭的士或者私人包車離開機場，因此係必定會喺住宿門口落車，詳情喺之後嘅機場交通度介紹。\n\n同我9年前第1次去Ushuaia相比，宜家多咗好多新嘅住宿，小城嘅面貌唔同咗，亦擴展咗。至於揀酒店好定apartment好，我會傾向後者。當然，無論揀邊樣都各有優劣嘅，好視乎個人喜好。\napartment嘅好處係有廚房、有洗衣機等，完全係屋企嘅設備，適合想自煮或逗留日數比較長嘅。缺點係你必須要喺入住前同個host聯絡，睇點攞房。\n酒店嘅優點固然係攞房嘅時間比較自由，亦無需聯絡，只要front desk開就得喇，不過唔係每間酒店都有24小時front desk，book嘅時候要留意喇。\n\n我揀咗片段裡面嘅呢間apartment，成幢大廈都係新起嘅，google實境到宜家都未見到呢幢大廈，仲show緊前身間平房。新嘢固然好，有𨋢呀😃我哋呢啲錫身中年，最怕遇到啲冇𨋢嘅樓，但外國真係好多都冇𨋢🙈新嘢係正呀！\n\n預訂方式及價格：\n間apartment喺booking.com度book，喺網站上顯示為\"Aunaisin - Apartamento con excelentes vistas\"。Aunaisin其實係當地一間出租屋公司，我揀嘅呢間係Aunaisin旗下其中一個出租單位。\n去年11月入住時為港紙900頭一晚，又大、又新、又靚、又乾淨、又喺市中心、外望山景同海景、設備齊全，真係超抵住🫶🏻\n\n攞房過程：\n宜家好多時唔會見到個host，多數係用msg俾指示攞房👍🏻但呢間公司係直接交匙俾客嘅😑見面交匙尚算準時，只係呢間公司有太多出租單位，我哋到嘅時候，剛好見到個職員被另一個客叫走咗，我哋大概等咗10分鐘，個職員先回頭，期間佢都有msg交代。\n職員表現都交帶嘅，帶我哋入屋後好努力嘗試用英文介紹設施。喺個職員走咗之後，我哋先發現沖涼房冇洗頭水，通知咗佢之後，佢會講大概幾時拎過嚟，都真係做到嘅，所以喺支援方面都唔錯👍🏻\n\n#烏斯懷亞住宿 #ushuaia #ushuaiaaccommodation #烏斯懷亞 #烏斯懷亞旅遊 #世界盡頭 #findelmundo #阿根廷 #阿根廷旅遊 #阿根廷住宿 #南極郵輪 #南極旅遊 #argentina #郵輪旅遊"},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202508/869114/20250810/hls/post_detail_1754802106254.m3u8","creator":{"@type":"Person","name":"Venus遊世界"}}]