《即開生蠔🦪!港威酒店全新日式Buffet✨》

9月起港威酒店嘅Three on Canton推出咗全新日式主題自助晚餐🇯🇵,作為呢個月嘅頭炮,我哋梗係要快啲出個食評 📍「味遊日本」自助晚餐 🔻海鮮區 凍海鮮一共7款,包括:即開生蠔、龍蝦、龍蝦鉗、鱈場蟹腳、青口、翡翠螺同帆立貝。 ✨愛爾蘭生蠔雖然比較細隻,不過味道鮮甜,最新都好少自助餐有生蠔,呢個絕對係回本位! 龍蝦鉗好鮮味,蟹腳飽滿又鮮甜,帆立貝都夠柔軟,呢3款幾出色️!其他海鮮就較淡味,一般般 🔻刺身/壽司區 5款刺身包括:三文魚、八爪魚、希靈魚、醃鮑魚片同紅蝦。刺身肥美,希靈魚超鮮味有驚喜!唯一係八爪魚冇乜味可以skip 壽司款式都多,但唔算好特別 🔻日式前菜/沙律區 芝士有6款,比其他自助餐選擇都要多,軟芝士尤其出色 火腿有3款,包括火腿,鹹香惹味 另外仲有日式前菜,包括:磯燒鮑魚同鰻魚冷麵等等,鮑魚軟熟,不過唔夠入味 🔻熱葷區 熱葷有齊中、西、日、泰、印度菜 ❥麵豉蛋黃醬焗虎蝦:麵豉惹味,不過蝦肉唔夠彈牙 ❥清酒焗帶子:帶子大粒又軟嫩 ❥比目魚西京燒:魚肉油分唔夠高,口感未夠香滑 ❥天婦羅:特別在有珍寶size蟹棒同多春魚天婦羅,炸得香口唔油膩 ❥章魚小丸子:發揮正常 ❥日式照燒雞:雞扒加上燒汁,味道尚可 ❥日式薯仔燴牛肉:牛肉好大片似肥牛,配咗軟腍又入味嘅薯仔,呢個先係重點吧 ❥日式咖喱炸蝦:炸漿過厚有啲失望 ❥黑松露車打芝士火鍋:旁邊有6款配料,點埋芝士食玩味十足! ❥ 4款咖喱包括:羊、雞、牛、雞心豆(素),牛肉最好食,其他肉較乾身,但咖喱味道調製得唔錯 🔻即製拉麵區 為切合日式主題有即製拉麵區,當中有10款配料 🔻甜品區 甜品選擇幾多,當中唔少係日式甜品 心太軟流心之餘朱古力味濃郁推介! 柚子蜜糖朱古力蛋糕同檸檬撻都好好食 紫薯芝士撻、Brownie同黑芝麻牛奶布甸都ok 但芒果拿破崙、大福麻糬、泡芙同朱古力曲奇就麻麻地 🔻雪糕 有Häagen-Dazs雪糕批同雪糕杯食完勁滿足! 📍「味遊日本」自助晚餐 📅供應日子:9月1日至10月31日
⏰供應時間:6:30 - 10pm
 價錢:星期一至四成人$708;小童$498
 星期五至日、公眾假期及公眾假期前夕成人$748;小童$538 Three on Canton 尖沙咀廣東道13號海港城港威酒店3樓 #草根姊妹#自助晚餐#自助餐#Buffet#香港美食

地址
Three on Canton
香港尖沙咀廣東道13號
評分
4/5
😀
下一篇載入中