[{"@context":"https://schema.org","@type":"Article","headline":"中環高級鳥割烹","image":["https://video-playback.ulifestyle.com.hk/ul/converts/202603/731602/20260327/hls/post_detail_1774544489144.m3u8"],"datePublished":"2026-03-27 01:02:25+08:00","url":"/community/detailpost/3d7d4b2e-7653-4a54-bdc2-227fb48eb99b/香港攻略/中環高級鳥割烹/DuckGor/731602","author":{"@type":"Person","name":"DuckGor","url":"https://www.ulifestyle.com.hk/community/user_profile/731602/DuckGor"},"text":"中環呢間來自日本嘅高級鳥割烹，主打農場直送概念，用宮崎同鹿兒島地雞做主角，質素真係有驚喜✨今次試咗 $580 lunch omakase，整體節奏同份量都好舒服，食完唔會太飽但又好滿足。\n\n一開始係雞湯同沙律🥗雞湯清而有深度，似拉麵湯底但更輕盈，暖胃又帶鮮味；沙律配上用雞湯做嘅凍醬汁，好清新😋\n\n之後到一品料理，柚子醋雞皮微辣帶酸，幾開胃，仲有柚子蘿蔔同雞絲菠菜，味道平衡得幾好。今月之肴係雞大髀肉卷牛蒡，口感有層次，外嫩內脆，幾有驚喜💛\n\n重頭戲一定係燒鳥五種🍢師傅即叫即燒，火候控制得好準。雞柳配少少芥末，清爽；雞肝同雞腎油香突出但唔膩；雞小腿配小青柑，有淡淡果香；汁燒雞槌夠入味；免治雞肉棒配蛋黃，口感滑順又濃郁。整體每串都好平均，冇一款失手✨\n\n中間仲有燒車厘茄🍅作為季節野菜，簡單但解膩。\n\n主食可以揀白湯拉麵或者加錢轉松露TKG🍜🍚拉麵湯底濃郁，雞肉嫩到好似入口即化；如果鍾意重口味，+$100嘅黑松露TKG好值得試，松露香好突出，加埋魚子醬同蛋黃，層次幾豐富，雞肉碎幼滑到有啲似pate感覺😎\n\n最後以自家製布丁作結，甜度剛好，為成餐劃上完美句號🍮\n\n🔥希鳥\n📍中環皇后大道中48號萬年大廈1樓2B號舖\n\n@kicho_hk #希鳥 #鳥割烹 #中環美食 #午市套餐 #kicho "},{"@context":"https://schema.org","@type":"DiscussionForumPosting","headline":"中環高級鳥割烹","image":["https://video-playback.ulifestyle.com.hk/ul/converts/202603/731602/20260327/hls/post_detail_1774544489144.m3u8"],"datePublished":"2026-03-27 01:02:25+08:00","url":"/community/detailpost/3d7d4b2e-7653-4a54-bdc2-227fb48eb99b/香港攻略/中環高級鳥割烹/DuckGor/731602","author":{"@type":"Person","name":"DuckGor","url":"https://www.ulifestyle.com.hk/community/user_profile/731602/DuckGor"},"text":"中環呢間來自日本嘅高級鳥割烹，主打農場直送概念，用宮崎同鹿兒島地雞做主角，質素真係有驚喜✨今次試咗 $580 lunch omakase，整體節奏同份量都好舒服，食完唔會太飽但又好滿足。\n\n一開始係雞湯同沙律🥗雞湯清而有深度，似拉麵湯底但更輕盈，暖胃又帶鮮味；沙律配上用雞湯做嘅凍醬汁，好清新😋\n\n之後到一品料理，柚子醋雞皮微辣帶酸，幾開胃，仲有柚子蘿蔔同雞絲菠菜，味道平衡得幾好。今月之肴係雞大髀肉卷牛蒡，口感有層次，外嫩內脆，幾有驚喜💛\n\n重頭戲一定係燒鳥五種🍢師傅即叫即燒，火候控制得好準。雞柳配少少芥末，清爽；雞肝同雞腎油香突出但唔膩；雞小腿配小青柑，有淡淡果香；汁燒雞槌夠入味；免治雞肉棒配蛋黃，口感滑順又濃郁。整體每串都好平均，冇一款失手✨\n\n中間仲有燒車厘茄🍅作為季節野菜，簡單但解膩。\n\n主食可以揀白湯拉麵或者加錢轉松露TKG🍜🍚拉麵湯底濃郁，雞肉嫩到好似入口即化；如果鍾意重口味，+$100嘅黑松露TKG好值得試，松露香好突出，加埋魚子醬同蛋黃，層次幾豐富，雞肉碎幼滑到有啲似pate感覺😎\n\n最後以自家製布丁作結，甜度剛好，為成餐劃上完美句號🍮\n\n🔥希鳥\n📍中環皇后大道中48號萬年大廈1樓2B號舖\n\n@kicho_hk #希鳥 #鳥割烹 #中環美食 #午市套餐 #kicho "},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202603/731602/20260327/hls/post_detail_1774544489144.m3u8","creator":{"@type":"Person","name":"DuckGor"}}]