冇提早一星期做網上預約都可以食到?

挽肉と米渋谷店係唯一一間分店採取完全網上預約制。喺冇預約嘅情況下根本係唔會食到。有顧客以為提早於店舖門口排隊就有得食,店員知道你冇做網上預約就會🙅🏻‍♂️然後叫你不用排隊喇。 其實今次我食到「挽肉と米」真係完全靠運氣。三日前準時喺日本時間9am上預約網站睇吓星期四上午有冇位啦,點知就俾我見到11:15am有得訂,就趕快登記及交預約按金(每位JPY1,600)。如果你喺一日前取消訂枱先會扣除費用。我呢啲臨急抱佛腳嘅人100%會出席所以呢方面我唔太擔心😂 準時到達餐廳但都要過咗11:15am先安排到入去(因為11am嗰個時段有人遲到😒)。進入餐廳後首先要喺自動售賣機購票,食物方面只有提供漢堡扒套餐及飲品(酒精/非酒精類別)。店舖中間位置就係一個開放式廚房,係用嚟燒製漢堡扒嘅地方。等候食物期間可以打吓卡先😆 ▫️ 挽肉と米定食 (JPY1,600) - 每份套餐包括三件加埋大約重90g嘅漢堡扒、一隻生雞蛋、麵豉湯及米飯(米飯無限添食)。漢堡扒可以配上唔同醬料一齊食。但我覺得最好味嘅就係點蛋汁食喇。極多肉汁嘅漢堡扒沾上蛋汁再配白飯一齊食👍🏻👍🏻漢堡扒唔夠喉可以加添,每件JPY450。

地址
挽肉與米 澀谷店
日本〒150-0043 Tokyo, Shibuya City, Dōgenzaka, 2-chōme−28−1 椎津ビル 3F
評分
4/5
good!
下一篇載入中