[{"@context":"https://schema.org","@type":"Article","headline":"Chill 住嘆海景餐廳 🤤 ","image":["https://video-playback.ulifestyle.com.hk/ul/converts/202608/1043776/20260803/hls/post_detail_1785715616876.m3u8"],"datePublished":"2026-08-03 09:10:36+08:00","url":"/community/detailpost/3b5e6757-ff64-4d6f-8a93-e064df51e5bb/香港攻略/chill-住嘆海景/foodiesheep/1043776","author":{"@type":"Person","name":"foodiesheep","url":"https://www.ulifestyle.com.hk/community/user_profile/1043776/foodiesheep"},"text":"去開銅鑼灣,路過座大廈樓下見到間Cafe可以睇無敵大海景咁靚,忍唔住衝左上去睇睇｡上到去全場爆滿,座無虛席,仲發現窗邊位可以飽覽成個維港靚景,即時決定等位都要等!入座果陣咁岩撞正｢幻彩詠香江｣,一邊望住閃爆嘅燈光匯演,一邊慢慢研究餐牌,成個感覺真係爽到冇朋友,未食先興奮🤣\n\n講返食物,樣樣都有驚喜:\n🌟蒲燒鰻魚玉子燒意大利飯——鰻魚燒得微微焦香,玉子燒甜嫩滑溜,夾埋creamy既意大利飯,口感層次豐富,味道平衡得啱啱好,忍唔住一啖接一啖｡\n🌟蟹膏甲羅燒龍蝦汁海鮮意粉——蟹膏味濃郁到爆,龍蝦汁掛滿每條意粉,海鮮有蝦有蜆,鮮甜彈牙,呢個組合絕對係重口味之選,食完仲想舔碟｡\n🌟UMI 招牌沙律配煙三文魚——煙三文魚油潤咸香,沙律菜爽脆新鮮,加埋芝士片同沙律汁,確係健康之選｡\n🌟熱浪辣芝士雞翼🌶️——外皮炸到脆卜卜,辣味芝士粉惹味,辣度慢慢滲出嚟,越食越過癮｡\n🌟韓式魚糕湯煮蜆——蜆肉飽滿無沙,魚糕吸盡鮮甜湯底,配埋牛油香味,真係好正｡\n🌟提拉米蘇咖啡——面層忌廉香濃,咖啡味醇厚,加上一件tiramisu 小蛋糕,飲落似甜品多過咖啡,飯後一杯超滿足｡\n🌟芒芒甘露——芒果肉甜到漏,加埋西米,酸甜清爽,解膩神器,必點!\n🌟宇治金時班戟——班戟軟綿綿,抹茶醬甘香唔苦,紅豆蓉甜糯,配埋雲呢拿雪糕,冷熱交錯,口感極正｡\n🌟精選甜品~抹茶蛋糕——蛋糕濕潤鬆軟,抹茶味回甘悠長,忌廉輕柔唔膩,作為完美收尾｡\n\n成餐飯由頭驚喜到尾,維港夜景加美食,絕對值得再encore!我地已經問緊遲啲睇煙花有冇得訂位啦🤩\n\n⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯\n📍 UMI (銅鑼灣)\n銅鑼灣告士打道229-230號宇宙商業大廈18樓\n⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯\n\n#維港夜景美食 #銅鑼灣海景餐廳 #意式料理海鮮 "},{"@context":"https://schema.org","@type":"DiscussionForumPosting","headline":"Chill 住嘆海景餐廳 🤤 ","image":["https://video-playback.ulifestyle.com.hk/ul/converts/202608/1043776/20260803/hls/post_detail_1785715616876.m3u8"],"datePublished":"2026-08-03 09:10:36+08:00","url":"/community/detailpost/3b5e6757-ff64-4d6f-8a93-e064df51e5bb/香港攻略/chill-住嘆海景/foodiesheep/1043776","author":{"@type":"Person","name":"foodiesheep","url":"https://www.ulifestyle.com.hk/community/user_profile/1043776/foodiesheep"},"text":"去開銅鑼灣,路過座大廈樓下見到間Cafe可以睇無敵大海景咁靚,忍唔住衝左上去睇睇｡上到去全場爆滿,座無虛席,仲發現窗邊位可以飽覽成個維港靚景,即時決定等位都要等!入座果陣咁岩撞正｢幻彩詠香江｣,一邊望住閃爆嘅燈光匯演,一邊慢慢研究餐牌,成個感覺真係爽到冇朋友,未食先興奮🤣\n\n講返食物,樣樣都有驚喜:\n🌟蒲燒鰻魚玉子燒意大利飯——鰻魚燒得微微焦香,玉子燒甜嫩滑溜,夾埋creamy既意大利飯,口感層次豐富,味道平衡得啱啱好,忍唔住一啖接一啖｡\n🌟蟹膏甲羅燒龍蝦汁海鮮意粉——蟹膏味濃郁到爆,龍蝦汁掛滿每條意粉,海鮮有蝦有蜆,鮮甜彈牙,呢個組合絕對係重口味之選,食完仲想舔碟｡\n🌟UMI 招牌沙律配煙三文魚——煙三文魚油潤咸香,沙律菜爽脆新鮮,加埋芝士片同沙律汁,確係健康之選｡\n🌟熱浪辣芝士雞翼🌶️——外皮炸到脆卜卜,辣味芝士粉惹味,辣度慢慢滲出嚟,越食越過癮｡\n🌟韓式魚糕湯煮蜆——蜆肉飽滿無沙,魚糕吸盡鮮甜湯底,配埋牛油香味,真係好正｡\n🌟提拉米蘇咖啡——面層忌廉香濃,咖啡味醇厚,加上一件tiramisu 小蛋糕,飲落似甜品多過咖啡,飯後一杯超滿足｡\n🌟芒芒甘露——芒果肉甜到漏,加埋西米,酸甜清爽,解膩神器,必點!\n🌟宇治金時班戟——班戟軟綿綿,抹茶醬甘香唔苦,紅豆蓉甜糯,配埋雲呢拿雪糕,冷熱交錯,口感極正｡\n🌟精選甜品~抹茶蛋糕——蛋糕濕潤鬆軟,抹茶味回甘悠長,忌廉輕柔唔膩,作為完美收尾｡\n\n成餐飯由頭驚喜到尾,維港夜景加美食,絕對值得再encore!我地已經問緊遲啲睇煙花有冇得訂位啦🤩\n\n⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯\n📍 UMI (銅鑼灣)\n銅鑼灣告士打道229-230號宇宙商業大廈18樓\n⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯\n\n#維港夜景美食 #銅鑼灣海景餐廳 #意式料理海鮮 "},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202608/1043776/20260803/hls/post_detail_1785715616876.m3u8","creator":{"@type":"Person","name":"foodiesheep"}}]