【週年米芝蓮🔥】 週年紀念想食得有特色，搵到哩間熱店當然要試吓啦😏 兩星期前book，好彩都book到正日去食週年大餐品嚐吓米芝蓮級數嘅手造意大利粉😆 👑手造意大利貓耳朵意粉配黑胡椒汁及舞茸菇 $188 貓耳朵一粒粒咬落煙韌有口感，三重芝士令醬汁更香濃，加上少許黑胡椒汁帶出舞茸菇嘅香味，爽口菇菌配有咬口意粉令口感更豐富😍 ✨餐前麵包 麵包香軟，有原味同蕃茄兩款味道，配香草sour cream食帶點咸香，配黑醋橄欖油帶點酸味，咩食法都咁好味。 ✨烤野菌湯 $98 雖然唔係滿滿蘑菇粒嘅口感，但蘑菇味道濃郁，質感香滑，配埋餐包一齊食更滋味👍🏻 ✨海鮮他他 $168 粒粒帶子刺身、超足料蟹肉，再加埋蟹籽，cheese同牛油果醬帶出海鮮鮮味，每啖都好鮮甜清新☘️ ✨手造意大利寬麵配澳洲和牛肉粒 $208 寬麵同樣咁有嚼勁，和牛肉粒份量好多，配埋醬汁食落肉味濃郁，但對和牛肉粒嘅驚艷度就一般，感覺仲有啲似肉醬意粉😂 但寬麵的確係出色👏🏻 ✨蘋果撻配雲哩拿雪糕 $78 新鮮出爐嘅蘋果撻外皮香脆帶濃濃牛油香味，蘋果肉甜中帶點點微酸，配香甜雲哩拿雪糕一齊食可以中和甜度，再食多個都唔會覺得膩😆 ✨焦糖燉蛋配熱情果雪葩 $88 燉蛋嘅蛋味好香濃，質感滑溜溜，焦糖面好脆卜卜，每啖食落又脆又滑口感豐富，甜度亦剛剛好，加上熱情果香蕉雪葩味道酸中帶甜，感覺好清新😋 🔍整體感覺：餐廳位置唔多，環境裝修低調中帶點奢華，座位都幾舒適。職員服務有耐心，每次上菜都會簡單介紹材料特色。連續5年米芝蓮當然有一定水準，手工意粉的確幾出色👍🏻 食物質素同環境都咁好，哩個價錢當然食得過，性價比好高⭐️ ─ ─ ─ ─ ─ ─ ─ ─ ─ ─ ─ ─ 美味：👅👅👅👅👅 環境：🪑🪑🪑🪑 服務：🤵🏻‍♀️🤵🏻‍♀️🤵🏻‍♀️🤵🏻‍♀️🤵🏻‍♀️ 價錢：💰💰💰💰 推介：☀️☀️☀️☀️🌤 ─ ─ ─ ─ ─ ─ ─ ─ ─ ─ ─ ─ #chloefoodiary_銅鑼灣 #chloefoodiary #hkfood #hkfoodie #foodiegram #hkfoodblogger #foodiehk #hkfoodlover #hkeat #香港美食 #吃貨 #hkrestaurant #hkcafe #hkfoodholic #hkfoodblog #hongkongfood #hongkongfoodie #意大利菜 #西餐 #米芝蓮