日本地震必備Apps⚠️尋找避難所隨時救你一命🫵🏻附逃生包建議🏃🏻‍♂️

日本又有地震消息😰今年日本頻頻出事，真係好驚旅行嘅時候有意外……😭唔想出事嘅時候驚到亂曬龍，就要做足準備，提高安全意識！🤓為大家整合咗最有用嘅防災Apps同逃生包建議，懇請大家務必務必下載及收藏重溫！🙏🏻🙏🏻🙏🏻唔好浪費我心機🥲 防災Apps: 1. 防災情報全國避難所GUIDE 會根據用家提供嘅位置提供天災情報，包括地震、海嘯、豪雨、山泥傾瀉等等。發生災害嘅時候會發出警報聲提醒用戶。有災害地圖，比用戶尋找附近嘅避難場所，檢視其他地區波及狀況，提高生存機會。仲可以連接家庭用戶，只需要喺APPS內就可以睇到對方嘅位置同疏散狀況回應，唔使來回其他通訊APPS彈出彈入！如果同家人朋友一齊去旅行但分開行動就有用！ 2. 東京都防災App 圖文並茂教導點樣應對災害，有英文同中文選擇。最重要係附帶蜂鳴器功能，可以產生聲音信號，增加求生機會。 逃生包建議 1. 濕紙巾 嚴重災害有機會影響水供應，無酒精濕紙巾可以用嚟擦臉擦身體，紓緩身體勞累及保持衞生 2. 乾糧 為身體提供熱量 3. 隨身充電器 電話實在太重要！電話無電上述APPS都無得用！仲大大提高對外聯絡／搵方向難度 4. 電筒 入黑後好重要，長期依賴電話會加快電量消耗 5. 報紙 塞喺衫下可以保溫，或者可以當成臨時枕頭 6. 膠袋 報紙造成紙碗再鋪上膠袋可以作為臨時碗協助進食，剪開仲可以做雨褸 7. 眼鏡 隱形眼鏡常用者必備！一有機會除Con後就唔好再使用麻煩又難以保持衛生嘅美顏工具了，同時眼鏡都能夠減輕粉塵入眼狀況 8. 衛生巾 除咗可能遇上月經嘅生理需要，當難以清洗內褲時用衛生巾渡過短暫時間都係好方法 希望大家無需要用到！🙏🏻 想睇更多日本旅遊攻略記住Follow我❤️🇯🇵 圖片來源：Google Play #防災#地震安全#地震 #日本旅遊#防災Apps#逃生包#安全意識#日本地震#災害情報#日本避難所#災害地圖#求生技巧#東京防災Apps#攻略#日本旅行必備#遊日注意#遊日必看#遊日避坑#日本避坑