拍拖必去屯門高質隱世西餐

早幾日同朋友去試左間好有歐陸風情既隱世西餐廳｡ 坐低冇耐,店員就擺低咗份好有水準既黑糖麵包😍包包上枱嘅時候香噴噴同熱辣辣,入口甜香又鬆軟!🫰🏻 我地仲食左:👉🏻 ✨ 是日頭盤✨ 是日頭盤係八爪魚沙律;鮮味十足既八爪魚口感彈牙又唔韌,配上清爽蔬菜沙律即成一個好稱職既開胃前菜! ✨是日餐湯✨ 是日餐湯係一個好有奶油感,濃郁而不膩口既忌廉湯｡ ✨龍蝦湯✨ + $48 呢個龍蝦湯質感creamy,龍蝦味好濃之餘兼帶有微弱酒香,正👍🏻 ✨鵝肝多士✨ + $88 厚薄適中既鵝肝煎到外皮金黃薄脆､內裏質感細軟幼嫰,接近入口即化!🫰🏻配埋件超脆既香脆多士-齊食可以中和到鵝油既油膩感之餘,仲更加有層次感! ✨龍蝦汁大通粉配香蒜焗龍蝦尾✨ $258 龍蝦尾肉質爽彈又鮮甜,厚肉得梨仲幾大隻,用香蒜焗過之後仲有陣濃濃既蒜香牛油味,真係超級香! 大通粉個質感Q Q彈彈,掛滿哂濃稠鮮味既龍蝦汁之後真系正到爆,鮮到小妹幾乎連個碟都想舐乾淨🤣 ✨經典芝士肉醬千層麵✨ $188 呢份經典芝士肉醬千層麵既面層､夾層入面d鹹香芝士同酸甜得宜､啖啖有肉既蕃茄肉醬分別都好多,每-啖千層麵都可以夾雜到唔少料,用料方面絕對冇揸流攤;細品之下仲會feel到有陣獨特既羅勒香,整體口感同味道都好豐富高質!🫰🏻 ✨焦糖燉蛋✨ + $30 充滿蛋香嘅滑滑燉蛋面頭有層好香既脆皮焦糖,-啖入口,又脆又滑既口感同時兼得都咪話唔爽! ✨ tiramisu✨ + $30 擁有細膩奶滑質感既tiramisu咖啡味相對較重,酒香同可可香就比較溫柔｡整體唔會好甜之餘仲好夠濕潤😍 ✨ 荔枝梳打✨ + $20 甜甜香香既荔枝梳打既氣泡好夠,又唔會話太甜! ✨草莓梳打✨ + $20 草莓梳打酸酸甜甜,味道清新又解膩! 呢度d出品真心高質,環境又靚,晚市仲要唔另收加-,感覺唔錯!不失為一個約會､聚會､慶祝既好去處呢!❣️ 🟥Dineland 📍屯門良德街3號豐連地下1號舖 #打卡美食#好去處#chill#隱世打卡點#社群有辦髮