諾士佛臺高CP值的串燒店

呢間串燒店有成六間分店，之前曾經去過兩間，覺得無論食物質素、環境以及員工服務 都好好，今次相約朋友 响尖沙咀聚會，當然都係選擇我至愛嘅燒烤堂喇，而佢嘅Sapopro Premium Draft🍺$48仲要係買一送一添🤩 🥢鹽燒原塊雞皮$22 雞皮完全唔肥膩，薄薄一片，香脆得像薯片一樣，推介 🥢焦糖鰻魚芝士玉子燒$28 薄薄一片焦糖，令到玉子燒更加甜香，質地軟綿又有蛋香嘅玉子配上軟腍香濃嘅鰻魚， 無得輸 🥢唐揚池魚仔$38 炸得非常香脆，魚味夠濃 🥢厚切鹽燒牛舌腩$48 厚厚嘅牛舌腩，外爽內軟嫩juicy，油脂超香，必食推介 🥢麻辣燒赤雞心$22 大大粒雞心質地Q彈好咬 🥢麻辣手釣墨魚鬚$22 惹味麻辣香加爽脆墨魚鬚，正 🥢香辣雞腳筋 $22 辣得過癮，質地非常彈牙好趙頭 🥢鹽燒雞爽肉$22 爽口有趙頭，雞味香濃 🥢鹽燒赤雞頸肉$22 肉質嫩滑得嚟又帶口感，雞味濃 🥢鹽燒日本銀杏$24 QQ口感，正 🥢麻辣燒白鱔$48 麻辣味香濃，但都掩蓋唔到白鱔嘅鮮甜油香， 肉質Q彈，外皮香脆 🥢蜜糖燒菠蘿$18 清潤喉嚨，必食之選 🥢蒜蓉燒廣島蠔（2隻）$44 熱辣辣，蠔肉鮮甜多汁，超級香金銀蒜味，蒜蓉控及蠔迷必叫之選 呢度好貼心供應個火爐，同朋友傾偈傾到啲食物凍哂嘅時候，可以返熱之用；另外枱上有椒鹽及辣粉可供調味🧂 餐廳環境闊落開揚坐得舒服，仲有室外座位， 侍應服務態度仲好好👍 食物質素高，而且價錢 唔貴🤑，最平12蚊都有交易🤩，口味多元化，有日、泰、港、川、西、疆、台及韓，仲有‘堂’嘅自家製口味，啱哂心多嘅我哋😝 📍燒烤堂 尖沙咀諾士佛臺1號1樓 #尖沙咀美食 #高性價比 #日式串燒 #燒烤堂 #skewer kitchen (此文章由U Blog 同步發佈至社群)