[{"@context":"https://schema.org","@type":"Article","headline":"此生必嚐十大高CP值無菜單鐵板燒之一","image":["https://video-playback.ulifestyle.com.hk/ul/converts/202601/731602/20260130/hls/post_detail_1769780208965.m3u8"],"datePublished":"2026-01-30 21:37:50+08:00","url":"/community/detailpost/2b9fe556-48ab-45c1-8609-16ce779ab652/著數報料/DuckGor/731602","author":{"@type":"Person","name":"DuckGor","url":"https://www.ulifestyle.com.hk/community/user_profile/731602/DuckGor"},"text":"此生必嚐十大高CP值無菜單鐵板燒之一，而家係尖沙咀都可以食到🙌 台灣過江龍【明水然・樂】除咗天后海景店，依家九龍都有新據點，$880／$980就食到14品鐵板燒，龍蝦、鮑魚、鵝肝、和牛一樣都唔少，約會、慶生、請自己食好啲都好啱😋\n\n餐廳走簡約日系風，用餐環境幾舒服，座位之間距離夠闊，私隱度高，成餐都係師傅席前即場主理，睇住一味味上枱，好似欣賞緊料理show咁有儀式感✨\n\n牛油果甜蝦他他 🥑\n用爽甜甜蝦配綿密牛油果粒，底層係特製醬汁啫喱，入口好清新開胃，面頭再加少少魚子醬點綴，一開始已經感覺到誠意滿滿。\n\n煙燻磯煮黑梅貝 🐚\n上枱時用玻璃罩蓋住，一打開就有煙霧散出，好啱打卡📸 黑梅貝煮得啱啱好，肉質彈牙，底部仲鋪咗清甜蘿蔔，口感細膩唔會有渣。\n\n山藥蝦膠煎餅\n將山藥同鮮蝦打成蝦膠煎到外層金黃微脆，咬落去好彈牙。底下係煎成雲朵形狀嘅米紙薄脆，面頭撒上蟹籽，再配明太子醬，幾種口感一齊出現，好有層次感。\n\n心型酥皮鵝肝 💗\n呢道真係顏值同味道兼備。心形酥皮焗到鬆化香脆，中間包住煎到外金內嫩嘅鵝肝，油香好濃郁但唔會太膩。旁邊有意大利紅酒醋、新鮮藍莓同士多啤梨，酸甜感啱啱好，食落輕盈好多。\n\n海膽蒸蛋\n蒸蛋質地好嫩滑，蛋香好突出，配上海膽更加鮮甜。每一啖都好順口，如果本身鍾意食蒸蛋同海膽，呢個組合應該好啱你口味。\n\n鮑魚\n鮑魚煎到外層微焦，入面依然保持鮮嫩軟稔，第一啖可以先食原味，之後再配鮟鱇魚肝醬，同埋少少辣椒絲，多咗香濃同微辣層次，鮮味被放大咗。\n\n甘鯛立鱗燒 🐟\n大廚將熱油慢慢淋上魚身，令魚鱗完全企起變脆，但魚肉仲保持嫩滑多汁。外層香脆、入面滑嫩，配上海膽南瓜黑松露醬，每一啖都好香好濃，好值得細心慢慢食。\n\n龍蝦二食 🦞\n第一食係龍蝦身，先喺鐵板慢煎再焗香，肉質厚實彈牙，底層鋪上鮮甜龍蝦甘筍汁，海鮮味好出。成件龍蝦上枱已經好有氣勢，鍾意食龍蝦嘅人應該會好滿意。\n\n龍蝦膏炒飯\n第二食就係靈魂龍蝦膏炒飯，用龍蝦膏汁同即煮白飯炒香，再加入洋蔥粒、蘆筍粒同甘筍粒，炒到粒粒分明又保持少少濕潤。上枱時放入龍蝦頭殼裡面，面層再鋪芝士火炙至金黃，香味勁吸引，一上枱已經好想快啲開動。\n\n濃湯包（蔬菜包）\n唔係普通鐵板燒炒雜菜，佢哋用「禮物包」方式呈現，好有趣。打開之後入面有白飯魚、娃娃菜、本菇、冬菇同多仔菜，再配上用魚頭骨熬成嘅奶白湯底，飲落鮮甜而且唔油膩，食完海鮮再飲一啖好舒服。\n\n姬松茸白木耳湯\n入面有姬松茸同白木耳，湯頭濃郁帶少少甜味，可以中和前面幾道菜嘅油脂感之餘，亦都有少少潤喉暖胃效果。\n\n和牛漢堡 🍔\n漢堡包外脆內軟，中間夾住即場煎好嘅芝士脆片同自家製酸青瓜沙律醬，酸香感可以幫手解膩，和牛都幾多肉汁，好啱鍾意食漢堡但又想有少少fine dining感覺嘅人。\n\nA5和牛🥩\n如果揀$980餐，可以升級食到日本A5和牛，雪花紋理好靚，煎到大約五成熟，外層微焦香、內裡柔嫩多汁。可以配淡雪鹽、黑椒鹽、香草鹽、柚子鹽同wasabi鹽等唔同調味，輕輕點少少已經好夠味，食完會有想再encore嘅衝動。\n\n荔枝檸檬沙冰\n食完一輪海鮮同肉類之後，會送上一杯荔枝檸檬沙冰，果香同酸度都幾清爽，可以幫你reset味蕾，準備迎接最後甜品。\n\nOreo cheesecake 🍰\n以杯裝方式上枱，下層係香濃幼滑芝士，甜度適中；上層係Oreo餅碎打成嘅忌廉，口感順滑但唔會太膩，食完會有一種「好圓滿」嘅感覺。\n\n整體嚟講，呢度無論係菜式設計、份量同價錢，CP值都算幾高。想搵一間可以慢慢食、又有少少儀式感嘅鐵板燒，尖沙咀呢間明水然・樂真係可以收進清單，想慶生或者同重要嘅人食餐靚都幾適合📸✨\n\n🔥明水然．樂\n📍尖沙咀漢口道28號亞太中心1樓16號舖\n\n#尖沙咀美食 #香港鐵板燒 #明水然樂 #情侶約會餐廳 #高CP值餐廳 \n\n"},{"@context":"https://schema.org","@type":"DiscussionForumPosting","headline":"此生必嚐十大高CP值無菜單鐵板燒之一","image":["https://video-playback.ulifestyle.com.hk/ul/converts/202601/731602/20260130/hls/post_detail_1769780208965.m3u8"],"datePublished":"2026-01-30 21:37:50+08:00","url":"/community/detailpost/2b9fe556-48ab-45c1-8609-16ce779ab652/著數報料/DuckGor/731602","author":{"@type":"Person","name":"DuckGor","url":"https://www.ulifestyle.com.hk/community/user_profile/731602/DuckGor"},"text":"此生必嚐十大高CP值無菜單鐵板燒之一，而家係尖沙咀都可以食到🙌 台灣過江龍【明水然・樂】除咗天后海景店，依家九龍都有新據點，$880／$980就食到14品鐵板燒，龍蝦、鮑魚、鵝肝、和牛一樣都唔少，約會、慶生、請自己食好啲都好啱😋\n\n餐廳走簡約日系風，用餐環境幾舒服，座位之間距離夠闊，私隱度高，成餐都係師傅席前即場主理，睇住一味味上枱，好似欣賞緊料理show咁有儀式感✨\n\n牛油果甜蝦他他 🥑\n用爽甜甜蝦配綿密牛油果粒，底層係特製醬汁啫喱，入口好清新開胃，面頭再加少少魚子醬點綴，一開始已經感覺到誠意滿滿。\n\n煙燻磯煮黑梅貝 🐚\n上枱時用玻璃罩蓋住，一打開就有煙霧散出，好啱打卡📸 黑梅貝煮得啱啱好，肉質彈牙，底部仲鋪咗清甜蘿蔔，口感細膩唔會有渣。\n\n山藥蝦膠煎餅\n將山藥同鮮蝦打成蝦膠煎到外層金黃微脆，咬落去好彈牙。底下係煎成雲朵形狀嘅米紙薄脆，面頭撒上蟹籽，再配明太子醬，幾種口感一齊出現，好有層次感。\n\n心型酥皮鵝肝 💗\n呢道真係顏值同味道兼備。心形酥皮焗到鬆化香脆，中間包住煎到外金內嫩嘅鵝肝，油香好濃郁但唔會太膩。旁邊有意大利紅酒醋、新鮮藍莓同士多啤梨，酸甜感啱啱好，食落輕盈好多。\n\n海膽蒸蛋\n蒸蛋質地好嫩滑，蛋香好突出，配上海膽更加鮮甜。每一啖都好順口，如果本身鍾意食蒸蛋同海膽，呢個組合應該好啱你口味。\n\n鮑魚\n鮑魚煎到外層微焦，入面依然保持鮮嫩軟稔，第一啖可以先食原味，之後再配鮟鱇魚肝醬，同埋少少辣椒絲，多咗香濃同微辣層次，鮮味被放大咗。\n\n甘鯛立鱗燒 🐟\n大廚將熱油慢慢淋上魚身，令魚鱗完全企起變脆，但魚肉仲保持嫩滑多汁。外層香脆、入面滑嫩，配上海膽南瓜黑松露醬，每一啖都好香好濃，好值得細心慢慢食。\n\n龍蝦二食 🦞\n第一食係龍蝦身，先喺鐵板慢煎再焗香，肉質厚實彈牙，底層鋪上鮮甜龍蝦甘筍汁，海鮮味好出。成件龍蝦上枱已經好有氣勢，鍾意食龍蝦嘅人應該會好滿意。\n\n龍蝦膏炒飯\n第二食就係靈魂龍蝦膏炒飯，用龍蝦膏汁同即煮白飯炒香，再加入洋蔥粒、蘆筍粒同甘筍粒，炒到粒粒分明又保持少少濕潤。上枱時放入龍蝦頭殼裡面，面層再鋪芝士火炙至金黃，香味勁吸引，一上枱已經好想快啲開動。\n\n濃湯包（蔬菜包）\n唔係普通鐵板燒炒雜菜，佢哋用「禮物包」方式呈現，好有趣。打開之後入面有白飯魚、娃娃菜、本菇、冬菇同多仔菜，再配上用魚頭骨熬成嘅奶白湯底，飲落鮮甜而且唔油膩，食完海鮮再飲一啖好舒服。\n\n姬松茸白木耳湯\n入面有姬松茸同白木耳，湯頭濃郁帶少少甜味，可以中和前面幾道菜嘅油脂感之餘，亦都有少少潤喉暖胃效果。\n\n和牛漢堡 🍔\n漢堡包外脆內軟，中間夾住即場煎好嘅芝士脆片同自家製酸青瓜沙律醬，酸香感可以幫手解膩，和牛都幾多肉汁，好啱鍾意食漢堡但又想有少少fine dining感覺嘅人。\n\nA5和牛🥩\n如果揀$980餐，可以升級食到日本A5和牛，雪花紋理好靚，煎到大約五成熟，外層微焦香、內裡柔嫩多汁。可以配淡雪鹽、黑椒鹽、香草鹽、柚子鹽同wasabi鹽等唔同調味，輕輕點少少已經好夠味，食完會有想再encore嘅衝動。\n\n荔枝檸檬沙冰\n食完一輪海鮮同肉類之後，會送上一杯荔枝檸檬沙冰，果香同酸度都幾清爽，可以幫你reset味蕾，準備迎接最後甜品。\n\nOreo cheesecake 🍰\n以杯裝方式上枱，下層係香濃幼滑芝士，甜度適中；上層係Oreo餅碎打成嘅忌廉，口感順滑但唔會太膩，食完會有一種「好圓滿」嘅感覺。\n\n整體嚟講，呢度無論係菜式設計、份量同價錢，CP值都算幾高。想搵一間可以慢慢食、又有少少儀式感嘅鐵板燒，尖沙咀呢間明水然・樂真係可以收進清單，想慶生或者同重要嘅人食餐靚都幾適合📸✨\n\n🔥明水然．樂\n📍尖沙咀漢口道28號亞太中心1樓16號舖\n\n#尖沙咀美食 #香港鐵板燒 #明水然樂 #情侶約會餐廳 #高CP值餐廳 \n\n"},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202601/731602/20260130/hls/post_detail_1769780208965.m3u8","creator":{"@type":"Person","name":"DuckGor"}}]