【元朗區】【陸記正宗桂林米粉】

【元朗區】【陸記正宗桂林米粉】今日講吓呢間喺元朗又新街嘅餐廳，講之前講少少背景，其實因為出國之前想買嘉頓雜餅送畀外國人家庭，所以走到去元朗嗰邊嘅「益街坊」舖頭打算買返兩盒。點知去到老細話賣晒，搞到我喺度一籌莫展，呆企喺條街度。 買唔到要買嘅嘢，但係一場嚟到元朗咯，就求其食埋嘢先走啦，咁我又可以寫篇嘢吖嘛。行行吓見到之前食過嘅海南雞，又見到一堆餐廳，其中呢間標榜正宗桂林米粉嘅最吸引到我。咁我唔太肚餓，諗住就咁食碗嘢都幾好。 見到佢哋嘅米粉套餐，仲有分唔同類別，我睇惹味粉嗰行，揀咗 $42 嘅「紅燒東坡肉粉」，飲「凍檸茶走甜」，價錢都幾抵因為我咁啱六點前入到去叫到嘢食，所以佢係計下午茶時段嘅價錢，都幾好彩，好似都平咗唔少喎。 味道上桂林米粉比一般米綫順滑易入口，感覺對個胃好啲。而啲東坡肉都 okay，成碗嘢勁快食晒，所以諗住叫多樣小食食吓。咁就叫咗 $56 嘅「招牌雙豬」，即係淨食嘅「秘製鍋燒肉」拼「首創滷豬頸肉」，講到係招牌菜。 一上菜就知出事，勁大碟好多肉，咬落燒肉度索索聲勁脆口，豬肉味又香。豬頸肉亦都好正，滑得嚟同啲汁又夾。呢碟嘢，可以話係畀到極大嘅驚喜我。仲要咁樣食到頂住個肚走，夾埋都只係 $98，一舊水都唔使，真心爽皮。。。 （地址：元朗又新街27-29號建威大廈2號地舖） #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am元朗區 #元朗 #陸記正宗桂林米粉 #米線店 #陸記 #紅燒東坡肉粉 #凍檸茶走甜 #招牌雙豬 #秘製鍋燒肉 #首創滷豬頸肉 #1am0919 #1ambackup