深圳首家特色 #牛內臟 燒烤

🌟餐廳： #牛里燒·燒肉·內臟專門店 📍地址：#福田區天安社區泰然八路18號安華小區9棟A座105室 💰價位：～$100 - $200 ⏰營業時間：星期一至日11:30 - 14:00 / 17:30 - 23:00 📱電話：18124605299 最近深圳開設咗唔少特色 #日式燒肉店，質素用料高質之餘，重點係性價比十足！今日就約埋朋友仔去呢間「牛里燒·燒肉·內臟專門店」，係深圳首家特色 #牛內臟燒烤，主推一整根牛舌及各款特選牛肉部位燒肉，事不宜遲，即刻去朝聖下先！ ——————————————————— 🔹涼伴牛蒡 先歎一款涼拌牛蒡熱下身！牛蒡份量十足，爽脆有咬口，帶點微微辣，用黎做前菜一流！ ——————————————————— 🔹蔬菜沙律 沙律菜大大碟，配料又夠多，加入青瓜、粟米粒搭配和風沙律醋，食落清新又開胃！ ——————————————————— 🔹炸雞 炸雞大大件，外層卜卜脆得黎，肉質緊緻多汁，搭配日式沙律醬及香辣粉，食落更加過癮！ ——————————————————— 🔹梨絲上級牛上腦肉 牛上腦即牛後頸部及脊骨兩側既牛肉，肥瘦均勻，肉質細嫩多汁，用黎做燒肉十分合適！口感嫩軟，油脂感豐富，入口即化，搭配清爽鮮甜既梨絲，解膩之餘，提升口感層次！ ——————————————————— 🔹超厚切極佳牛仔骨 牛仔骨厚切大大件，雪花分佈均勻，近筋位位置食落更有嚼勁，牛味更濃郁！由店員細心燒制，更會協助拆除骨頭，令客人可以啖啖肉，食得更開心！ ——————————————————— 🔹一根牛舌 餐廳主打名物！ 原條厚切牛舌厚大大條，夠哂誇張！第一次歎盡全條牛舌，原來每個部份既口感都有唔同既滋味～店員好有技巧地將牛舌部份燒制，外層燒至香脆，肉汁飽滿四溢！高質牛舌簡單以鹽及黑胡椒點綴已能提鮮，真心大推呢道爽嫩新鮮既一根牛舌！！ ——————————————————— 🔹 一壺和牛小腸 估唔列呢度連和牛小腸都有得歎！將牛小腸原條醃制，超長既牛腸由店員鋪上烤網，打卡一流～牛小腸醬汁惹味，外層烤至脆口，內層既油香味突出，咬落層次感十足，用黎送酒無得彈！ ——————————————————— 🔹豬橫隔膜 除咗招牌和牛燒肉之外，呢款豬橫隔膜同樣出眾！豬橫隔膜部位具有豐富飢肉纖維，口感一流，燒制後保留肉汁，入口嫩滑，搭配餐廳調制既燒肉汁，食落更惹味！ ——————————————————— 🔹烤可頌冰淇淋 食左咁多款特選肉類之後，黎到甜品環節！由店員即場烤製而成～將鬆軟牛角包放上烤網燒至香脆，再釀入冰凍香甜既雲呢拿雪糕，真係睇到流哂口水！食落冷熱交融既口感令人大滿足！ ——————————————————— 👅整體小總結 餐廳主打各款高質牛肉部位燒肉，招牌一根牛舌夠哂驚喜，色香味俱全！每位店員燒肉技巧一流，細心炮製出即燒燒肉，功架十足，令客人可以舒適地品嚐一道接一道熱辣辣既燒肉，呢個安排方便又貼心，值得捧場！ #OK即刻有#祝大家生日快樂#深圳美食#深圳攻略#UCreator#深圳探店#深圳打卡