連續1️⃣0️⃣年獲選''最佳食府''

最近見到好多朋友都去咗泰國 心郁郁都想食泰菜 search到呢間餐廳係曼谷連續10年被當地雜誌Thailand Tatlet 票選為泰國最佳食府 咁味道一定係相當地道啦🤩仲要坐啱窗口位 成晚chill住食 ❣️香脆蝦餅(3件) $68 每嚿真係好似手掌咁大 炸到外脆內軟 酸酸甜甜嘅醬汁好開胃😋中間夾雜左啲蝦肉碎 帶微蝦香味都幾抵食 ❣️黃薑豬肉沙嗲 $98 一份6串 賣相令立立 淋上沙嗲汁更令肉香散發 燒香咗嘅豬肉更有口感 黃薑醬略帶薑絲 十分惹味😍 ❣️紅咖喱牛肋肉 $188 微辣嘅紅咖喱超級香 牛肋肉煮到好軟腍相當入味 幾乎係一夾起就散開 九層塔香氣增添層次感 成盤咁大兜 攞嚟撈飯都仲有剩😂 ❣️泰式鴛鴦豬手 $238 一碟豬手兩種做法 一邊係滷水一邊係燒到脆皮 滷水醃得好入味 皮下油脂入口即溶 旁邊仲有兩個汁 分別係🧅酸辣汁 同 一個好似沙嗲醬但甜甜地嘅 用嚟點燒豬皮啱啱好 脆皮邊食落咔一聲 非常過癮 #社群相聚