高質韓式燒肉料理🔥

高質韓式燒肉料理🔥 女友同班成朋友去德福食燒肉😋 餐廳系濟州燒肉食堂🇰🇷 餐廳裝潢木紋條子風格🪵 每枱燒肉位通風設備🌪 店員安排張大圓枱空間十足👍🏻 套餐可加無限前菜同爐邊蛋🥗 主打韓食及燒肉燉牛肋骨等🥳 大牛骨，360蚊份💰 原條大牛骨，切到粒粒正方一口肉，油花分布豐富，每粒細緻均勻，細緻軟嫩嘅口感，唔洗點醬汁都香甜多汁🐄🐄👍🏻 濟州特上黑毛豬拼盤，328蚊份💰 濟州豬拼盤有豬扒、五花肉、豬下青、豬皮 五花肉，豬扒同豬下青醃得非常入味，厚肉有口感，啖啖肉🐷 醬油牛小排，178蚊份💰 一睇佢嘅雪花， 油脂包住成個口腔，少少簡單調味就無得彈，五塊牛小排兩邊輕輕燒下咁就又唔韌又好味，點埋醬汁食非常惹味😍 韓國鰻魚，115蚊半份💰 有半條韓國鰻魚，魚身肉嫩滑肥美，有光澤感同油光，燒完重魚香，口感較實身🐟 蘋果梨汁雞肉，88蚊份💰 雞肉醃制得非常入味，肉味鮮嫩肉汁豐富，肉質彈性富有嚼勁🍎🐓 燒牛肉飯，88蚊份💰 牛肉份量都幾多，配埋溫泉蛋，撈埋燒牛肉食口感更好，芽菜同泡菜作配搭，每啖飯都爽脆，醬汁偏甜飯粒軟硬適中🐮 朱古力棉花糖，55蚊份💰 平日燒烤會買包棉花糖作甜品，估到到韓燒都有，有朱古力威化餅拼棉花糖，燒完棉花糖軟糯口感，夾埋松化朱古力餅，好滋味😋 梅子青檸梳打，32蚊杯💰 梅子青檬梳打，冰凍梳打飲品清爽口感，飲落甜度啱啱好，仲有少量梅子檸味🍋 濟州特飲，32蚊杯💰 濟州特飲，味道酸酸甜甜好飲，仲有果肉有咬口🟠 整體環境坐得舒服😊 服務態度好，上菜速度好快👍🏻 食物份量夠，食材新鮮，價錢合理🥳🥳