東京都 2024/07/03

東京便利店最新必吃必買🇯🇵(上篇)

每次行Family Mart / Lawson / 7-11 都好目不暇給🤪會發現到好多新野!今次介紹一下最近好Hit既零食/甜品: ✅7-11 限定既Smoothie🥤 四個味道都試晒,個人覺得Berry最出色,酸酸甜甜好開胃,其次係士多啤梨香蕉豆奶!網上睇到另一個飲法係再買一個乳酪倒落去🤭下次要再試下! ✅7-11 Sugar Butter Sand Tree 士多啤梨味係季節限定!三百幾円來講佢既性價比真係冇得輸,酥脆外層配上砂糖牛油,士多啤梨味都唔假 ✅7-11 Butter State’s Cookies 7-11同銀のぶどうCrossover出左呢個山形牛油曲奇🍪一打開就聞到好香既牛油味,外層灑滿左砂糖,增添口感,食落好酥脆,好重牛油味 ✅7-11 銀座千疋屋蜜瓜雪條 一打開包裝已經聞到好香蜜瓜味🍈真係好似食緊成個蜜瓜咁,食到好濃同埋清甜嘅蜜瓜味,解膩一流🤭不過都唔算平,要成10幾蚊一支 ✅7-11 Cup Deli 佢個通粉沙律好正!仲有薯仔沙律同埋八爪魚沙律🐙份量啱啱好自己食晒一個都唔會覺得好飽,簡直係宵夜必食! ✅7-11 朱古力提子軟糖 外層係濃厚既朱古力,裏面包住彈牙既提子軟糖🍇買返來做手信一流 ✅Ohayo牛乳布甸 今次試咗咖啡味,質地超級順滑,牛奶味都係超級濃!原因係用上澤西牛奶整既!咖啡味都好突出,兩者好夾,唔會好似原味咁單一🤪 ✅Ohayo Burlee雪糕 呢個我諗唔使介紹大家都知道佢好hit🫣不過其實好甜,食到一半就會覺得好膩!我推介朱古力味🍫布甸上面依然係有焦糖,口感脆卜卜,底下係濃郁既朱古力雪糕🍦口感細滑層次豐富😆 ✅Imuraya 提拉米蘇雪糕 面頭係濃濃既朱古力粉🍫中間Mascarpone醬同雪糕配埋底層流心Expresso醬同埋咖啡海綿蛋糕,總共五層,層次超豐富😋真係好似食緊Tiramisu咁….. ✅KOIKEYA 湖池屋鹹批脆餅 相信大家對湖池屋既產品都唔陌生,佢地既薯片不嬲都好出色,最近出左一款新零食係周打蜆湯味既脆餅,外面酥脆入面包住濃郁嘅周打蜆湯餡料☺️食到濃濃既蜆味同埋牛油香,推!

地址
東京都
日本東京都
評分
5/5
想食😋
gd