《素食譜》手握雜錦飯團（全素。無五辛）

平日肚餓會買飯團食，不過食嚟食去都係嗰一兩個款，都真係幾悶。之後發現原來自己包飯團，唔止易整，仲好好食，因為你想放咩餸都得，食肉食素都能夠滿足～ 材料（2人份）： * 日本米 1½杯 * 甘筍（小）1條 * 蓮藕（小）1個 * 金菇 ½包 * 黑芝麻 適量 調味： * 水 1½杯 * 醬油 1湯匙 * 味醂 1湯匙 做法： 1. 甘筍、蓮藕去皮，切小片；金菇切成小段。 2. 洗米，加入調味和食材，煮飯。 3. 煮好飯，加入黑芝麻，拌勻。 4. 將飯分成4等份，將其中一份放在保鮮紙／牛油紙上，握成三角飯團。 5. 壽司紫菜對摺開半，放上飯團，完成。 注意： * 加粟米粒同白米一齊煮，煮好拌入飯素，飯團中間放素肉鬆都好好食。粟米會爆汁。 * 飯團食材變化多端，基本上你放咩都得，個人認為最好味係粟米肉鬆、素吞拿魚沙律、梅子紫蘇。 #素食 #飯團 #素食譜 #宮保太太 # 純素食譜 # 宮保素雞丁 (此文章由U Blog 同步發佈至社群)